Jeremías 31:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ñi qara'gaxala' 'naac: 'Ueenaxañii queda netoonaxaguii chaqai da raỹaaguii qamiri lalamaxareteripi so Jacob, ná'maq ỹapacauec quená'ogue na ỹoreta'oguit qomyipi. 'Viichii quiyim qara'xaỹa ca ro'ueenaxanaxaguii chaqai 'ñiỹac: Ñi qara'gaxala' nca'laxatec na lalamaxareteripi, ná'maq no'ueenashiguim na'le queso Israel llaalqaipi.

Jeremías 31:7 Iomraidhean Croise

Salmos 126:2

Ca' ỹaatqajam 'xoic na qaraỹalliguiric chaqai quenaua qodaapi' ca so'ueenaxanqatac; ca na'le, ca' na ỹoqa'a qomyipi 'naac: ¡Ñi la'gaxala' chalego lecaic dá'maq ỹo'uet quena Israel llaalqaipi!

Salmos 14:7

¡Saxanchi' cada quemaralec qa' ladocai Sión chicqojlec ca lca'laxa na llaalqaipi so Israel só'maq liỹa leenaxat da Jacob! Ma' ñi qara'gaxala' ỹadalaxat ca iloxoỹaxane'tegue na lalamaxareteripi, ca' netoon ma'le ná'ogue na lalamaxaret llaalqaipi so'maxare.

Salmos 67:1

Qami' qota'olec, rqouaquiteguelo qomi' chaqai qaro'ueenaxachi'; qami' huagaxaraic quiyim qara'ajñisac,

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Isaías 52:8

¡Na'xaỹaxañiriñi! Na neloxoỹaripi quena na'a' lodegaxat ỹaualqatagui nelamaxaren, qam da laualaxac 'naac rauegaxan, ma' iuañi'chiguit quenaua nqote' dá'maq 'neeta ñi qara'gaxala' quiyim rapila na Sión.

Isaías 61:9

Na llaalqaipi ỹaatqajam choxoraic quena ỹoreta'oguit qomyipi; ná'ogue ná'maq iuana chaqa'ma' ỹa'den quiyim ñi qara'gaxala' no'ueenaxat da no'ueenataxac.

Jeremías 20:13

¡'Ueenaxañitalec ñi qara'gaxala', maqachiñii ñi qara'gaxala'!, ma' ñi'maxare nca'laxatec ca neuocqotac queda lquesaxanaxa na hualoxonyipi.

Jeremías 31:12

Nanaqueta, qam ro'ueenaxanta'guit queda netoonaxac quena qoỹoqoshi'ma quiyi Sión, ỹaatqajam le'eetaxat da lqouagaxa ñi qara'gaxala': na trigo, na lataxa chaqai na aceite, na qagreta chaqai ana huaca. 'Neetari' ca nanaxanqa' 'xoic na naquitaxa chaqai tot na'laañi da lquesaxanaxa.

Oseas 1:7

Qam yqouaguegue yi Judá: chaqaỹim ná'maq na'gaxala', ỹim nqota'olec yi'maxare, ñca'laxatec. Qam se ñca'laxatec queca lauataq, ta'ta'a quiyim sqaica nqaishin ca novic, ca lecat, ca shipgaq, chaqai ca qom neetashiguim.

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Romanos 11:5

Ca' chaqaida 'neeta nagui quiyim ñaqa 'ue ná'maq no'ueenañi quená'maq qanca'au'a ma' qai'xoren quiñi qota'olec.

Romanos 9:27

Qam quená'maq Israel llaalqaipi, ca' so Isaías 'naaco' na'le: “'Eno'm ỹaatqajam 'xoic na llaalqaipi so Israel, 'ec lecaata na lo'uaxanaxa cana huaaxai, qam sqo vito'olqai' ma'le caua no'ueendañi quiyim nca'lerec.