Jeremías 31:4 - La'qaatqa ñi qota'olec Qota'olec & Qota'olec Novita Na Qomyipi

⁴ Liỹa ño'xonshiguim na la'a' na Israel llaalqaipi. Ca lotqai liỹa novi', ỹahote'e ana lasaquinata chaqai rasotetac queda netoonaxac.

Jeremías 31:4 Iomraidhean Croise

2 Reyes 19:21

Ca' nauajo nauá'maq la'qaatqa ñi qara'gaxala' na' retaqa quiñi nashi quiyi Asiria: Na na'a' Sión, 'ec aca nequetegaxai, i'neetac aqami' Senaquerib. Na Jerusalén chaqai ỹaxaỹaxantac na lqahic quiyim i'naari' qami' ma' ỹovita quiyim qoshi'rec.

Salmos 51:18

Ca 'viichi' ca no'uen quena Sión quedá'maq vi'saque; quiyim liỹa no'xoñirishiguim ca lquepaxaset na Jerusalén.

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Jeremías 31:13

Ana nequetegaxai rasoteta queda netoonaxac, 'nejem na ne'naqaipi chaqai na qo'xoiquipi. Ỹim so'uet quiyim ỹa'maxagui lauel: só'maq noỹenaxac ñigui nqaishin da laỹaac, sa'ue ma'le ca netoonaxac paguec lecaic queso nqui'ic.

Lucas 15:23

Ime, ca' naviguiuo cá'maq ỹaatqajam 'uegaxasaq huaqui llaalec, ca' lauachii. Ime, ca ¡squi'ỹaq, so'ueetaq ca qaremaqachic!

Hechos 15:16

Ma' ime, ca lotqai yapil, ca liỹa ño'xonshiguim ñi lauo' so nashi David mashic 'guiñi; liỹa ño'xonshiguim ná'maq ñaqa 'ue, ca liỹa ñachaalataxanñi,