Jeremías 31:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Na ỹoreta'oguit qomyipi ñaq na'xaỹaxañiỹa da la'qaatec ñi qara'gaxala' chaqai 'qaataxañii quena qoỹoqo'teguelo na'aate', 'ñiỹac: Ñi qara'gaxala' iuagaxatac na Israel llaalqaipi, qam liỹa lapoonta', ca' cochiỹa 'ec na qagreta lo'o quena' reloqota'a ana lalo.

Jeremías 31:10 Iomraidhean Croise

Génesis 10:5

Ca nauajo' nauá'maq llaalqa so Jafet nauá'maq neeso'oto' naua lahil aso huaaxai; quiñi 'óna ỹaatqajam chi lalamaxaret llaalqaipi la'qaachaxauaripi chaqai chi nayijnaxat nauá'maq neetalgoto 'lauari.

Salmos 23:1

Ñi qara'gaxala' reloqotaỹa', 'ec nqai'en aỹim ca neloxoỹaq cana qagreta; ca' qaica ca souentaque.

Isaías 40:1

'Naac ñi qota'olec caqamiri: Lo'daxachigui lauel na ỹalamaxareteripi, lo'daxachigui lauel;

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 42:4

Se nco'matec chaqai se neualñi dá'maq 'neetari', chi ỹovireto'o' ma' ỹa'ue ca na'maxa quena 'laua. Na qomyipi cana delec nauaanta'guit ca lapaxaguinataxanaxac.

Isaías 54:7

Salachi' na'le, qam se ladoguec, qam chalego da iqouagaxa na'le caqami', ca' lotqai liỹa sopilliguit qami'.

Isaías 60:9

Najo qom lahiripi quiñigui na huaxaỹaq nauequetecta', ca' na qom lahiripi looỹac yi Tarsis na'aaueta, qoỹoqo'tegue da ỹachigoxota'gue na qachaalaxai'ipi, ne'xateta na ne'óro chaqai na nepláta, ỹahotaque imaqachin ñi qara'gaxala', ñí'maq co'teeta qota'olec quena Israel, ñí'maq ỹo'uet quiyim 'ue da rauaqe'.

Jeremías 25:22

chaqai ná'ogue na nashillipi quiyi Tiro chaqai yi Sidón; chaqai ná'ogue na nashillipi cana delec hueetañigui ana huaaxai leenaxat huaaxai hueetegueñiguilo naua 'lauari;

Ezequiel 34:12

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Ezequiel 5:2

Ma' machi' quiyim quira'a yi na'a' lodegaxat, ca copachira'a ca 'óna nanaqata queca qavi'i' quena lavinñi yi na'a' lodegaxat; ca' coñita ca lecat, ca' chaqairigui aca liỹa ncoñiita ca qavi'i', ca' naqaletenlec nqai'ñi' yi na'a' lodegaxat, ca cá'maq no'ueenauec, ca naqairishiguim, qaiyi i'xat na nonot. Ca' ỹim sco'uaataxanta ma'le quiyi qomyipi naugui yi na'a', llo'qoota'a ca llicat.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Zacarías 2:6

Ñi qara'gaxala' i'taxajñi da la'qaatec: Ỹim so'uet quiyim qareuagaxachitac quenaua'que naua lahil na 'laua. Qam nagui shinac caqamiri: ¡'Iichii, nanalochaxañii quena 'laua queda rapiguim, leenaxat Babilonia, quená'maq ỹoqa'a 'laua ñiitalec qamiri nauá'maq ñiitalec na'le yi Sión! Ỹim na'gaxala', se'taxajñi da ỹa'qaatec.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.