Jeremías 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ chaqai iuana qai'neeta quiyim ỹim salat aso npa'guenaxai Israel, chaqaida da nedequenaxac sougui. Qam añi Judá ñí'maq se na'maxat lqaỹa añi Israel, se no'chi, lama'xa que'uegue da nedequenaxac.

Jeremías 3:8 Iomraidhean Croise

Ezequiel 16:46

Da rapiguim pa'aata'gue asó'maq ỹi rqaỹa'e', yi na'a' lodegaxat Samaria, chaqai naua liỹa' na'aaterolqai'; ca' queda 'guiñi pa'aata'gue añi rqaỹa'e' paguec nogot, yi na'a' lodegaxat Sodoma, chaqai naua liỹa' na'aaterolqai'.

Ezequiel 16:47

Ca qami' qui'relec denaxachichirigui dá'maq 'neesari' chaqai 'viichi' dá'maq se yqo'ta ỹo'ueetetac. Qam se ỹa'maxagui qavilli' quedajo, ca dá'maq no'ueenataxaqui' paguec la'aaxa nqai'ñi' quesaua'maxare.

Ezequiel 16:51

Ca' yi Samaria se ỹovi' yi lavinñi na rasauaxashichi'. Qami' paguec ná'maq 'viichi' se yqo'ta; ca' ñi'maxare no'm huaqataho caqami', ñi'maxare 'ec qaica ca lasauaxaset.

Oseas 3:4

Ma' mashic shi'gom ma'le da 'neetari' na Israel llaalqaipi qaica ca lashi chaqai ca la'gaxala', qaica ca lachitaxanataxanaxat chaqai ca imaqachin qa', qaica ca looỹac na netaxaỹaxanqajanqaipi chaqai ca lashiilec na ni'iquipi quenaua la'aate'.

Deuteronomio 24:1

Ca no'm 'ue ca ỹale ỹacona aca 'aalo quiyim loua, qam na' ncopa, ca' se nqo'ta ma' 'ue ca lanatec se no'uen, ca ca'maxare ỹo'uet aca ỹiriñi hueetalec nqai'en quiyim nalate'e' aca'maxare, ca' ỹaanem. Ime, ca' ca'e nqai'en ca la'a'.

Deuteronomio 24:3

Qam no'm cá'maq co'uaataxanaxaic loua qai'neeta se nqo'ta ca lanatec, ca lotqai ỹa'ue aca lomalate quiyim ỹalat, ca' ca'e nqai'en ca la'a', loqo'm ileu cá'maq co'uaataxanaxaic loua,