Jeremías 29:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ỹim na'gaxala' sqaica lqalanec, ỹim qota'olec queso Israel, saqatalo qamiri quedajo: Totaxan 'xañiigue quiyim rayiñitac na netaxaỹaxaquiripi chaqai na idaanau'a nanchaqaina quená'maq ỹalequetauguilo qamiri; totaxan na'xaỹaxañiỹa quena' ỹa'xat na le'guemataxac.

Jeremías 29:8 Iomraidhean Croise

Jeremías 14:14

Ca na'le, ca 'naac caỹim ñi qara'gaxala': No'm 'naac dajo na netaxaỹaxaquiripi, ca na'majantac. Ỹim se sela', chaqai sqai shilen, chaqai sqaica ca shinapega. Dajo neuanaxanaxac sqai 'chiñi, rayinaxan da'maxare, chi lo'ueenatec quedá'maq chi lque'guenataxanaxac. Dajo ỹa'xatetac na netaxaỹaxaquiripi.

Jeremías 27:9

Vichiguiño' qamiri totaxan na'xaỹaxañiỹo' na netaxaỹaxaquiripi, chaqai na ra'ỹaauec na qom lanatec, chaqai na ỹa'xatac na leloxoỹaxac na ne'guemataxac, chaqai na pi'xonaq quená'maq ỹahotaque ỹa'xateta'guit ca ñaqai naataho, chaqai ỹilenta'pe qamiri quiyim sqai 'guiñiỹot ñi nashi quiyi Babilonia.

Jeremías 28:15

Ca na'le, ca' so Jeremías 'naac queso Hananías: —¡Ñaq na'xaỹaxañi', Hananías! Ñi qara'gaxala' se relachi', ca' qami' vi'saque quiyim na qomyipi huelec da sqai llic.

Jeremías 29:1

Na' ime quiyim so nashi Jeconías qai'xategue ca ỹoqa'a 'laua, liỹaatac aso late'e chaqai so la'aquipi quiñi lauo' lodegaxat, chaqai so na'gaxalateripi quiyi Judá chaqai yi Jerusalén, so no'xonaxanyipi chaqai na ỹo'ueetac ana la'gaxasete na lasom, ca' so netaxaỹaxaqui Jeremías chicqochi'ñi yi Jerusalén aso lelaata, taỹa'a so qo'xoiquipi hueeta'gue da ỹoqa'a 'laua chaqai so netaxaỹaxanqajanqaipi, so netaxaỹaxaquiripi chaqai so qomyipi i'xat na'le so Nabucodonosor quiyi Jerusalén, i'xategue da Babilonia.

Jeremías 29:15

Qamiri 'ñiỹac: Ñi qara'gaxala' ỹo'uet so letaxaỹaxaqui coqomi' quena Babilonia. (29.16-20 Da la'qaatec ñi qota'olec quesó'maq se qai'xategue da ỹoqa'a 'laua.)

Jeremías 29:21

Ñi qara'gaxala' sqaica lqalanec, ñí'maq qota'olec queso Israel, 'naac quiñi Acab ñí'maq llaalec ñi Colaías, chaqai quiñi Sedequías ñí'maq llaalec ñi Maasías, yaua'maxare ỹa'xatesac na sqai llic ỹiqueseguelec ñi qara'gaxala', 'neetasa' da la'qaatec: Ỹim so'uet ma'le quiyim loxonqa ñi nashi Nabucodonosor quiyi Babilonia, ca' qamiri huañichigui ma' ñi'maxare ỹalauate'.

Jeremías 29:23

Dajo 'ue na'le quesaua'maxare sauaxat se no'uen da ỹo'ueetesac quena Israel: hueesa'piguit ana loua na lauo' le'ec chaqai 'ue da ỹa'xatesac sqai llic quiyim se selarelec. Ỹim sa'den chaqai ỹaatqajam seuanchigui. Ỹim na'gaxala', se'taxajñi da ỹa'qaatec.

Jeremías 37:9

Ỹim na'gaxala' sa'ue da ỹaqataxac: Qaica nemaqajnaxaguii, chaqai sqai 'ñiitapega quiyim so caldeoipi chaqa'ma' eec, qam sqaida.

Miqueas 2:11

No'm 'ue ca ỹo'uet ca la'maachic, ca' 'naac: “Ỹim sa'xateta'guit ca lataxa chaqai ca 'taxat,” ca' chaqaica cá'maq ỹaatqajam na'qaataxanqajnec qaimaqachin quenajo qomyipi. (2.12-13 Ñi qota'olec 'naac ro'ootaxanlec ma'le so lalamaxareteripi.)

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Lucas 6:26

Chaqai 'xoraiquipiolec qamiri, ma' no'uen cá'ogue ca na'qaataxaguii, ma' chaqaida dá'maq 'neeta só'maq 'auaxaic leta'allipi na qomyipi, só'maq chaqai 'naac letaxaỹaxanqajnec ñi qota'a.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Efesios 5:6

Qaica ca ỹayine' qamiri quenaua na'qaatqa qaica ca 'netegue, ma' chaqainaua nauá'maq se no'viiñi nauá'maq chicqochigui dá'maq chalego lichic lonogoxonaxac ñi qota'a quiyim ỹa'ue ca nouaxanaxaset ná'maq se na'xaỹaxana ñi'maxare.

2 Tesalonicenses 2:3

Qam sqai 'xañiigue ca nayinaxaguii, ma' ma' saqa' ỹovita cajo na'xa'a, ca novi' ma'le ca npa'guenaxac ñi qota'a. Ma'le, ca' re'oq ca ỹale sauaqhuaic cá'maq tai'a quiyim ỹaatqajam ime nqohin.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.