Jeremías 29:7 - La'qaatqa ñi qota'olec Qota'olec & Qota'olec Novita Na Qomyipi

⁷ 'Ueenataxañii qaiyi nqo'neuec cá'maq na'a' lodegaxat cá'maq selateguelo qamiri, chaqai yashiilahi nqouagaxaiñilec ca'maxare, ma' no'm ỹa'maqachiguiñi ca'maxare, ca' qai'neeta qamiri ra'maxaichiguiñi.

Jeremías 29:7 Iomraidhean Croise

Esdras 6:10

qaiyi na'maxare ỹavigaxat na lachitaxanataxanaxat, ca' ỹaanot ñi qota'olec neeto'ot na piguim quiyim qaỹa'maxarenta. Chaqai nqouagaxaintalec aỹim chaqai na ỹaalqaipi.

Esdras 7:23

Cá'ogue cá'maq roỹaxanaque ñí'maq qota'olec queda piguim quena louenec ñi lo'ueenaxanaxaqui, ca chaqa'ma' qoỹaanem, qaiyi qaica ca nouaxanaxaset taalec na ỹaalqaipi chaqai ná'ogue ná'maq seloqota'a.

Salmos 122:6

Raualaxahi cañi re'taxanatahi, ca 'ñiỹac: Paguec la'maxa quiyim 'ue ca no'daxa caqami', Jerusalén; qaiyi qaicanqaida i'maqajlem ná'maq nqo'ta qami'.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Romanos 13:1

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

Romanos 13:5

Vichiguiño' 'maxaraic quiyim qana'xaỹaxane'ta na nashillipi. Mesqaidaata quiyim qaỹoueteta'a ca louaxanaxanaxac, ta'ta'a quiyim chaqaida 'neeta quiyim 'maxaraic ca la'deenataxanaxac ca qom.