Jeremías 29:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ñi qara'gaxala' sqaica lqalanec, ñí'maq qota'olec queso Israel, 'naac quiñi Acab ñí'maq llaalec ñi Colaías, chaqai quiñi Sedequías ñí'maq llaalec ñi Maasías, yaua'maxare ỹa'xatesac na sqai llic ỹiqueseguelec ñi qara'gaxala', 'neetasa' da la'qaatec: Ỹim so'uet ma'le quiyim loxonqa ñi nashi Nabucodonosor quiyi Babilonia, ca' qamiri huañichigui ma' ñi'maxare ỹalauate'.

Jeremías 29:21 Iomraidhean Croise

Jeremías 20:4

Ma' ñi qara'gaxala' 'naac caqami': Ỹim ñigui nqolonaxa nqaishin qami', caqami' chaqai quená'maq nauochaxaua'e'ipi. Ỹaatqajam huañichirigui ma'le na nauochaxaua'e'ipi ma' qaỹalauat qaỹahote'e na lecat na npa'guenaxaua'e'ipi. Saanec ma'le ná'ogue na qomyipi na'ñi na Judá, saanem ñi nashi quiyi Babilonia, ca ñi'maxare coñi', ca' ỹaueguegue da na'laua, loqo'm ỹalauat ỹahote'e na lecat.

Jeremías 20:6

Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 29:15

Qamiri 'ñiỹac: Ñi qara'gaxala' ỹo'uet so letaxaỹaxaqui coqomi' quena Babilonia. (29.16-20 Da la'qaatec ñi qota'olec quesó'maq se qai'xategue da ỹoqa'a 'laua.)

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.