Jeremías 29:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ajá'a, ỹim saxanegue quiyim qamiri nachiua' ma'le, ca' so'uet quiyim nadalaxachii: ñaqata'alo qamiri ma'le quená'ogue na ỹoreta'oguit qomyipi quenaua'que naua na'aate' selariigue neuagaxachitajlec. Ca' llapoonta' chaqai so'uet quiyim rapillii quenajo ná'maq hua'ñi na' qai'xate' qamiri. Ỹim na'gaxala', se'taxajñi da ỹa'qaatec.

Jeremías 29:14 Iomraidhean Croise

Romanos 10:20

Ime, ca' so Isaías lotqai napacqajan quiyim ỹiriñi da la'qaatec ñi qota'a, 'neetasa': Ná'maq se idaantaque aỹim, ca ỹanachiua', chaqai ñachaxana ná'maq se renataxantaque aỹim.

Salmos 126:4

¡Qami' qara'gaxala', qaropilaxachi' queca qara'a', 'ec na ỹaxat quena' ỹadalaxat na 'laua qaica qom!

Salmos 126:1

Na' qaropilaxata ñi qara'gaxala' qota'olec na qara'a' Sión, ca shinqatapega 'eco' chi se'guemachaqatac.

Salmos 46:1

Ñi qota'olec quepaqataxanteguelgoto qomi' chaqai qarquesaxanaxa; chaqai quena' 'ue da qareuogoxo, ca' qarotauan.

Salmos 32:6

Vichiguiño' quena' 'ue da neuogoxo, ca ỹaualqot qami' ná'maq queetalec qami', chaqai no'm 'xoic ca huaxaỹaq, ca i'paxanlec, qam se ỹovitoto caua'maxare.

Isaías 43:5

Totaxan ro'chi'i', ma' ỹim iỹaatac qami'. Chicqo'tegue da lqodoigue chaqai da lauashiguim yapilaxat ma'le na qauochi', ma' sahotaque llapoonta'.

Isaías 43:6

Shinapega ma'le da rapiguim: Rapilaxachi', chaqai shinapega da 'guiñi: Mese nolli'rañi naua'maxare. Nodo'e' na ỹaalqaipi chaqai na ỹaallipi quenauá'maq qoỹoqo'teguelo lahil na 'laua.