Jeremías 28:4 - La'qaatqa ñi qota'olec Qota'olec & Qota'olec Novita Na Qomyipi

⁴ Chaqai qai'neeta so'uet quiyim rapile' quenajo so Jeconías, llaalec ñi Joacim, nashi quiyi Judá, chaqai yá'ogue yi liỹa qomyipi qai'xat na'le quiyi Judá, qai'xategue da Babilonia. Ajá'a, ỹim saqaguichigui ma'le da lquesaxanaxa ñi nashi quiyi Babilonia. Ỹim na'gaxala', se'taxajñi da ỹa'qaatec.

Jeremías 28:4 Iomraidhean Croise

Génesis 27:40

Ca' cá'maq chi lecachi' 'goxoñita ma'le, ca' qami' lelaatec ma'le ñi rqaỹa'e'; qam ma' vichita quiyim qami' quesaxan, ca' souec qami' ma'le queso'maxare.

2 Reyes 24:14

Ime, ca' i'xat coñi' sá'ogue so qomyipi quiyi Jerusalén, chaqai sá'ogue so nashillipi lotauaripi, chaqai só'maq 'ñaaxaic nalliripi, chaqai sá'ogue so no'xona lo'ollipi, toco' ma' ỹovi' diez mil na lcoñiiteguesec. Ca' qaica ca no'ueenañi queso 'laua, qainaata na 'xoraiquipi.

Isaías 9:4

Ma' qami' qota'olec so'irigui da ncoñiitaxac na qomyipi qaicoñiretari', queda ncoñiitaxac ỹahotaque da le'xoric, quiyim qoỹoiquentac quecá'maq qohinta'gue. 'Ec na' nalauachiriñi so na'ñi yi Madián.

Jeremías 22:24

Ñi qara'gaxala' 'neetasa' da la'qaatec queso llaalec so Joacim, leenaxat Jeconías, só'maq nashi quiyi Judá: Ñallitalta' queda ñachaalataxac: quiyim 'enquetqai 'ñiisari' aca paguec ỹauochaqate itanaxanqate ichicshaqate neetagui ada ñapoquena ỹoicse, qam ñaqate'e qami',

Jeremías 27:8

Chaqai no'm 'ue quena ỹoreta'oguit qomyipi loqo'm quena lashillipi mesqai neneequesenot ñi nashi Nabucodonosor, ca' ỹim souaxan sahote'e ca lauataq, ca nqopaaxa chaqai ca ne'ne', chi ỹovireto'o' quiyim ná'ogue hueeta'ñot da lquesaxanaxa ñi'maxare. Ỹim na'gaxala', se'taxajñi dajo ỹa'qaatec.

Jeremías 28:10

Co'na'le, ca' so Hananías naqat queso Jeremías so nauegaxanaxaqui hueeto'ot na lqosot, ca' ỹaqaguitetajlec.

Jeremías 28:2

—Ñi qara'gaxala' sqaica lqalanec, ñi qota'olec queso Israel, 'naac: Ỹim saqaguichigui da lquesaxanaxa ñi nashi quiyi Babilonia chaqai

Jeremías 29:1

Na' ime quiyim so nashi Jeconías qai'xategue ca ỹoqa'a 'laua, liỹaatac aso late'e chaqai so la'aquipi quiñi lauo' lodegaxat, chaqai so na'gaxalateripi quiyi Judá chaqai yi Jerusalén, so no'xonaxanyipi chaqai na ỹo'ueetac ana la'gaxasete na lasom, ca' so netaxaỹaxaqui Jeremías chicqochi'ñi yi Jerusalén aso lelaata, taỹa'a so qo'xoiquipi hueeta'gue da ỹoqa'a 'laua chaqai so netaxaỹaxanqajanqaipi, so netaxaỹaxaquiripi chaqai so qomyipi i'xat na'le so Nabucodonosor quiyi Jerusalén, i'xategue da Babilonia.