Jeremías 28:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca na'le, ca' so Jeremías 'naac queso Hananías: —¡Ñaq na'xaỹaxañi', Hananías! Ñi qara'gaxala' se relachi', ca' qami' vi'saque quiyim na qomyipi huelec da sqai llic.

Jeremías 28:15 Iomraidhean Croise

1 Reyes 22:23

Ca nagui, ca 'yiiñi' quiyim ñi qota'olec ỹa'maxarenta quiyim so na'maachic hueetaugui ná'ogue na letaxaỹaxaquiripi, ma' ñi'maxare chaqai 'negue ỹo'uet quiyim na'laañi qami'.

Jeremías 20:6

Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 27:15

Ñi qara'gaxala' i'taxajñi 'naac quiyim ñi'maxare se ila' na'maxare; na'maxare chi ỹa'xatejlec 'naac quiyim qaila' quiñi qara'gaxala'. Ca' chaqaida dá'maq 'em quiyim ñi qara'gaxala' iuagaxata'pe qamiri ma'le, ca' qamiri chaqai na netaxaỹaxaquiripi ná'maq ỹa'xatetac dajo caqamiri, ca' ileu.

Jeremías 28:11

Ca chaqa'ma' 'ue da ỹa'xat, 'qaatac nqai'en sá'ogue so qomyipi: —Ca 'naac 'neetasa' da la'qaatec ñi qara'gaxala': Ca' chaqaida shine'tegue quenauajo dos ñaxari, ca' ñaqat quena lqosot quená'ogue na ỹoreta'oguit qomyipi so lauegaxanaxaqui ñi nashi Nabucodonosor quiyi Babilonia, ca' saqaguichigui. Ca' so Jeremías eec.

Jeremías 29:23

Dajo 'ue na'le quesaua'maxare sauaxat se no'uen da ỹo'ueetesac quena Israel: hueesa'piguit ana loua na lauo' le'ec chaqai 'ue da ỹa'xatesac sqai llic quiyim se selarelec. Ỹim sa'den chaqai ỹaatqajam seuanchigui. Ỹim na'gaxala', se'taxajñi da ỹa'qaatec.

Jeremías 29:8

Ỹim na'gaxala' sqaica lqalanec, ỹim qota'olec queso Israel, saqatalo qamiri quedajo: Totaxan 'xañiigue quiyim rayiñitac na netaxaỹaxaquiripi chaqai na idaanau'a nanchaqaina quená'maq ỹalequetauguilo qamiri; totaxan na'xaỹaxañiỹa quena' ỹa'xat na le'guemataxac.

Jeremías 7:8

Qamiri viiteguelec na na'qaatqaipi na'maachic qaica ca 'negue caqamiri.

Deuteronomio 13:6

Ca no'm ca ỹaatqajam ralamaxarichi' rqaỹa'e', loqo'm ca qachaalqui', loqo'm aca qachaalli'i', loqo'm aca rqo'itqachi'i' roua'e', loqo'm ca nauochaxaua'e' riỹa'e' quiyim nemootetacot qami' quiyim nqouagaxaiñitot ca nadenqatec nqolac sqai huañirapega chaqai saua 'auaxaqa qata'alli',

Deuteronomio 18:20

Qam ca netaxaỹaxaqui 'naac quiyim ỹa'xat ca ỹa'qaatec, qam ỹa'xat cá'maq sqai shinapega quiyim ỹa'xat, loqo'm ỹa'xat ca la'qaatec ca liỹa nashiilec, ca ca'maxare qaỹalauat.