Jeremías 28:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' chaqaisoota so ñaaxa na' ime' saua tres ñaxari chaqai mashic hueetauguilo saua cinco shiriguiri quiyim neetaho nashi so Sedequías quiyi 'laua Judá, ca' so netaxaỹaxaqui Hananías, so leta'a leenaxat Azur na'ñi yi na'a' Gabaón, ca' 'naapega so Jeremías quiñi no'ueenaxanaxaqui, 'qaata'pe saua netaxaỹaxanqajanqa chaqai sá'ogue so qomyipi, ca 'naac:

Jeremías 28:1 Iomraidhean Croise

1 Reyes 3:4

Ca 'uo' quena' so'maxare quepegue' yi Gabaón, ca ỹo'uet aso ỹavigaxat lachitaxanataxanqate, ma' so 'laua qoỹoqoshi'megue ỹaatqajam choxoraic qouagaxainqa'. Ca vire'to' na' ỹovi' mil aso lachitaxanataxanqate quiyim qaỹavigaxat.

2 Reyes 24:18

Ca' so Sedequías ỹovite' yaua veintiuno niñaxari na' nashi, ca' ỹovi' once ñaxari quiyim nashi, neeta'ñi yi Jerusalén. Ca' aso late'e leenaxat Hamutal, llaale so Jeremías, só'maq na'ñi yi na'a' Libna.

Jeremías 27:1

Na' ipalasauec saua cuatro ñaxari quiyim nashi so Josías llaalec, leenaxat Sedequías, quiyi 'laua Judá, ca' ñi qara'gaxala' ỹalamaxachichigui so Jeremías,

Jeremías 27:12

Ỹim Jeremías liỹa sa'xat dá'ogue da la'qaatec ñi qota'olec quiñi Sedequías, ñí'maq nashi quena Judá, chaqai qai'neeta shinac quiñi'maxare: —'Guiñiỹot da lquesaxanaxa ñi nashi quiyi Babilonia chaqai quena lauo', qaiyi rca'lliiuec.

Jeremías 27:3

Ma'le, ca' vito' ca ra'qaachiqui', lachi' quiñaua nashil quiyaua 'lauari Edom, Moab, Amón, Tiro chaqai yi Sidón, quesaua nodo' da na'qaatec quiyi Jerusalén na'piichita ñi nashi Sedequías.

Jeremías 28:11

Ca chaqa'ma' 'ue da ỹa'xat, 'qaatac nqai'en sá'ogue so qomyipi: —Ca 'naac 'neetasa' da la'qaatec ñi qara'gaxala': Ca' chaqaida shine'tegue quenauajo dos ñaxari, ca' ñaqat quena lqosot quená'ogue na ỹoreta'oguit qomyipi so lauegaxanaxaqui ñi nashi Nabucodonosor quiyi Babilonia, ca' saqaguichigui. Ca' so Jeremías eec.

Jeremías 28:17

Ca' so netaxaỹaxaqui Hananías ileu na' ỹovite' saua siete shiriguiri quesojo ñaaxa.

Jeremías 28:5

Ca' so netaxaỹaxaqui Jeremías 'naaco' queso netaxaỹaxaqui Hananías, 'qaatac nqai'en so netaxaỹaxanqajanqaipi chaqai sá'ogue so qomyipi neetaugui ñi no'ueenaxanaxaqui:

Jeremías 29:15

Qamiri 'ñiỹac: Ñi qara'gaxala' ỹo'uet so letaxaỹaxaqui coqomi' quena Babilonia. (29.16-20 Da la'qaatec ñi qota'olec quesó'maq se qai'xategue da ỹoqa'a 'laua.)

Jeremías 36:12

Ca' quepegue' yi la'a' so nashi quiñí'maq lauo' so lere lo'o, neetaugui lapoota'ta' sá'ogue so nashillipi: Elisama só'maq lere lo'o; Delaía só'maq llaalec so Semaías; Elnatán só'maq llaalec so Acbor; Gemarías só'maq llaalec so Safán; Sedequías só'maq llaalec so Hananías, chaqai so liỹa nashillipi.

Jeremías 37:13

Ca na' ỹovita ñi lasom qaỹamata'gue Benjamín, ca 'ue so ỹale leenaxat Irías, llaalec so Selemías chaqai laual so Hananías, so'maxare nashi queso neloxoỹaripi, nollaañi so Jeremías, ca 'naaco': —¡Qami' sham 'irougui na caldeoipi!

Jeremías 37:19

¿Negue' cá'maq hueesa'gue nagui caua netaxaỹaxaqui' cauá'maq i'taxatesegueñi quen quiyim ñi nashi quiyi Babilonia sqai naga'alo qamiri chaqai na na'lauahi?

Josué 10:12

Ca co'na' ñi qara'gaxala' ỹaanec quiyim noxonec so amorreoipi queso Israel llaalqaipi. Ca' so Josué 'qaachigui nqai'en so qomyipi co'na' 'naac quiñi qara'gaxala': “Qami' ra'aasa, vire'e ma' ralo'irelec yi Gabaón; vire'e qami' shiraigo, ma' ralo'irelec yi ca'megue quiyi Ajalón.”