Jeremías 27:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ỹim saanema naua'que nauajo 'lauari da lquesaxanaxa ñi ilaatec Nabucodonosor, ñí'maq nashi quiyi Babilonia, chaqai vire'ta na iseripi neuec saanem quiyim ỹoiquentac.

Jeremías 27:6 Iomraidhean Croise

2 Reyes 25:28

Ca ỹa'maxata'tegue chaqai paguec nqai'en da lichoxoric queso liỹa nashillipi ncoñiitaxauaripi neeta'ñi yi Babilonia.

Isaías 44:28

Ỹim shinac quiñi nashi Ciro: Qami' neloxoỹaq quena ỹalamaxareteripi, ca qami' 'viichi' cá'ogue cá'maq sahotaque. Chaqai shinac quiyi Jerusalén: Liỹa qano'xonshiguim qami' ma'le; chaqai shinac quiñi no'ueenaxanaxaqui: Ma'le, ca' liỹa qaỹa'ue ca no'xonaxala'.

Jeremías 22:25

ca' saañiguit qami' na npa'guenaxaua'e'ipi ná'maq ỹahotaque ralauachi' quená'maq chalego da rqolonaxa'e'. Saañiguit qami' ñi nashi quiyi Babilonia, leenaxat Nabucodonosor, chaqai na nalliripi.

Jeremías 28:14

Ma' ỹim na'gaxala' sqaica lqalanec, ỹim qota'olec queso Israel, shinac: Sillo'ot na lqosot ná'ogue na ỹoreta'oguit qomyipi so nauegaxanaxaqui fierro, qaiyi na'aquipi ma'le quiñi nashi Nabucodonosor quiyi Babilonia. Vire'ta na iseripi neuec saanem quiyim ỹoiquentac.

Jeremías 43:10

Ca 'ñirapega: Ñi qara'gaxala', ñí'maq sqaica lqalanec, ñí'maq qota'olec queso Israel, 'naac: Ỹim naiquena nqaishin ma'le ñi ilaatec Nabucodonosor, nashi quiyi Babilonia, chaqai sana'ñi najo aca nqa'xanaxaqui chaqai ca lauo' na'daañi ñi nashi, sanejlgoto naua qari sishiñiñi quenajo.