Jeremías 27:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ma' la'maachic dá'maq ỹa'xatetac caqamiri. Qaidaata dá'maq chigoxochiỹaugui qamiri ma'le quiyim qai'xate' qamiri ma'le quena na'lauahi chaqai quiyim seuagaxata'pe qamiri, ca' rillivii.

Jeremías 27:10 Iomraidhean Croise

Jeremías 14:14

Ca na'le, ca 'naac caỹim ñi qara'gaxala': No'm 'naac dajo na netaxaỹaxaquiripi, ca na'majantac. Ỹim se sela', chaqai sqai shilen, chaqai sqaica ca shinapega. Dajo neuanaxanaxac sqai 'chiñi, rayinaxan da'maxare, chi lo'ueenatec quedá'maq chi lque'guenataxanaxac. Dajo ỹa'xatetac na netaxaỹaxaquiripi.

Jeremías 27:14

Totaxan na'xaỹaxañiỹa najo netaxaỹaxaquiripi ná'maq ỹilenta'pe qamiri quiyim sqai 'guiñiỹot ñi nashi quiyi Babilonia, ma' ná'maq ỹa'xatetac na'maachic.

Jeremías 27:15

Ñi qara'gaxala' i'taxajñi 'naac quiyim ñi'maxare se ila' na'maxare; na'maxare chi ỹa'xatejlec 'naac quiyim qaila' quiñi qara'gaxala'. Ca' chaqaida dá'maq 'em quiyim ñi qara'gaxala' iuagaxata'pe qamiri ma'le, ca' qamiri chaqai na netaxaỹaxaquiripi ná'maq ỹa'xatetac dajo caqamiri, ca' ileu.

Jeremías 27:16

Chaqai qai'neeta shinapega so netaxaỹaxaquiripi chaqai sá'ogue so qomyipi, shinapega: —Dajo 'naac ñi qara'gaxala': Totaxan na'xaỹaxañiỹa na netaxaỹaxaquiripi ná'maq 'naac quiyim qaỹaloq qaỹopilaxate' queda Babilonia naua louenqa ñi no'ueenaxanaxaqui. Ma' na'maachic dajo qaỹa'xatetac.

Jeremías 28:11

Ca chaqa'ma' 'ue da ỹa'xat, 'qaatac nqai'en sá'ogue so qomyipi: —Ca 'naac 'neetasa' da la'qaatec ñi qara'gaxala': Ca' chaqaida shine'tegue quenauajo dos ñaxari, ca' ñaqat quena lqosot quená'ogue na ỹoreta'oguit qomyipi so lauegaxanaxaqui ñi nashi Nabucodonosor quiyi Babilonia, ca' saqaguichigui. Ca' so Jeremías eec.

Jeremías 28:16

Vichiguiño' ñi qara'gaxala' 'naac: Ajá'a, selachi', qam quiyim sahotaque sapalaxachirac quena 'laua. Ca' quenajo ñaaxa, ca' rillivi', ma' quenaua ra'qaataxahi', ca 'viichi' quiyim na qomyipi npa'guene'e' aỹim.

Jeremías 8:19

Da laualaxac na iuo' laseripi qara'xaỹa quenaua'que naua lahil na 'laua, 'naac: “¿'Ec ñi qara'gaxala' totqai neeta'ñi na Sión? ¿'Ec totqai neeta'anyi ñi nashi?” Ca' ñi qara'gaxala' retaqa, ca 'naac: “¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi, ná'maq 'ñiitapega qota'olqaipi, qam qaica ca 'negue?”

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Deuteronomio 18:10

Quiyim qaica ca 'oonoqui' qom caqamiri quiyim ỹaanot ca llaalec ca nqolac quiyim qaỹavigaxat qainaxañigui ca norec, chaqai se napaxaguiñiỹa quiyim nachiñichigui ca 'neetari' ca liỹa, chaqai 'neeto' 'xachi'sac ca ñaqa naataho, chaqai 'neeto' qami' 'naxanaxai