Jeremías 26:9 - La'qaatqa ñi qota'olec Qota'olec & Qota'olec Novita Na Qomyipi

⁹ ¿Chi negue' cá'maq 'neetapiguio' qavilli' quiyim queda leenaxat ñi qara'gaxala', ca' najo no'ueenaxanaxaqui 'nejem ma'le so na'ñi yi Silo, chaqai najo na'a' lodegaxat qanopoxoỹaxajñi chaqai qaica ca qom na'ñi? Ca' sá'ogue so qomyipi npataxata' lapoỹau'a so Jeremías.

Jeremías 26:9 Iomraidhean Croise

Jeremías 36:29

Ca 'ñiraco' ma'le: Ñi qara'gaxala' 'naac: Qami' copachira'a aso lere chaqai taqaira'a ñi Jeremías sauaxat quiyim ỹiriñi ñi nashi quiyi Babilonia ỹaatqajam llic novi' nopoxoỹaxajñi najo 'laua chaqai qaica nqai'en ca qom chaqai na isecỹac.

Miqueas 2:6

Ca na'maxare 'naac: ¡Se sahoqotaque quiyim naiquena ca letaxaỹaxaqui ñi qota'olec, ma' cá'maq ne'xoric se noviroxoua'!

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Mateo 27:20

Qam so lashillipi na netaxaỹaxanqajanqaipi chaqai so lqo'xonqaipi na judioipi na'yiiñiguit so qomyipi quiyim rashiilaxanegue qaỹosouec so Barrabás chaqai quiyim qaỹalauat so Jesús.

Marcos 15:11

Qam só'maq la'gaxalateripi na netaxaỹaxanqajanqaipi 'naapega so qomyipi quiyim ipacalec qarashiilaxanegue so Barrabás quiyim qaỹosouec.

Juan 8:20

Ca' 'naac dajo so Jesús na' ñaqai hueetaugui añi no'ueenaxanaxaqui rapaxaguinataxantac, hueeta'ñi yi na'ñi aso lahi' ana nachitaxanataxanqate. Qam qaica ca ishit coñi' so'maxare, ma' saqa' ỹovita ca laloqo'.

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 21:30

Ca 'ue da la'aaxa quiyá'ogue yi neeta'ñi yi na'a' lodegaxat, ca ne'guentagui. Ca co'na' ỹoviriri', ca sá'ogue ỹaconeu'a so Pablo, qaỹahoglene'oguiyi pa'aauec quiñi no'ueenaxanaxaqui, ca chaqa'ma' qaỹapoguilo ñaua lasomi'.

Hechos 22:22

Ca' quiyi, ñaq qana'xaỹaxantapega so Pablo. Qam na'le, ca' ỹaualqagui so qomyipi, ca 'naaco': —¡'Maxaraic qaỹalauat da ỹale! ¡Se ỹa'maxañi quiyim nca'leetauec!

Hechos 3:11

So ỹale se ra'ñiigue só'maq chita'gue qaỹomatec sqai ỹaxandec saua Pedro chaqai so Juan. Ca' sá'ogue so qomyipi 'xoic da le'laxa, vichiguiño' ne'guenta'ogalo quiyi hueesa'ñi, yí'maq cañi no'ueenaxanaxaqui late'ogue' leenaxat Nasoxoc so Salomón.

Hechos 5:12

Quesaua Jesús lelaatqa 'xoic na qaỹo'uet quena netanec chaqai na se qaiuanapega quena qomyipi, ca sá'ogue lapoỹata', hueeta'ñi yi nasoxoc yí'maq leenaxat Nasoxoc so Salomón.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

Hechos 6:14

Najo ỹale ỹaatqajam sa'xaiqa'ta na' 'naac quiyim sojo Jesús, Nazaret le'ec, quiyim 'naaco' ỹopoxoỹaxachigui añi qaro'ueenaxanaxaqui, chaqai 'naaco' quiyim ỹadalaxate' naua qano'ueenataxaco, qaỹalate' naua no'ueenaqterañi lapaxaguinataxanaxaco na'le so Moisés.