Jeremías 26:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' so llaalec so Safán, leenaxat Ahicam, retaqa qoshiilec so Jeremías, ca' quedajo, ca' ỹo'uet quiyim se qoỹaanougui so qomyipi quiyim qaỹalauat.

Jeremías 26:24 Iomraidhean Croise

1 Reyes 18:4

Chaqai co'na' aso nashi Jezabel relaataxanlec quiyim qaỹalauat na lca'acsec letaxaỹaxaquiripi ñi qota'olec, ca so'maxare ỹoxojñi so cien qomyipi, ca ỹasectaxajñigui na lavinñi, ca' dos nqai'ne' naua lapooqote', nañoxotouguilo nqai'en saua dos lauaco. Ime, ca' ỹaante'em na loq.

2 Reyes 25:22

Ca' so Nabucodonosor, só'maq nashi quiyi Babilonia, ỹano quiyim na'gaxala' so Gedalías, llaalec so Ahicam chaqai laual so Safán, quiyim reloxoỹa'a so qomyipi quesó'maq no'ueenaqtañi quiyi Judá.

Jeremías 29:3

Sojo nelaata qailategue so llaalec so Safán, leenaxat Elasa, chaqai so llaalec so Hilcías, leenaxat Gemarías, sauá'maq so Sedequías, nashi quiyi Judá, ilategue da Babilonia quiyim quepegue' so nashi Nabucodonosor. Aso nelaata 'naacsa':

Jeremías 36:10

Ca' so Baruc quepegue' yi paguec pa'aauo nasoxoc añi no'ueenaxanaxaqui quiyi ñigo quiñi qaỹamata'gue dalaxaic lasom, ca' quiñi lauo' so Gemarías só'maq llaalec so Safán, só'maq lere lo'o, ca retaqalec aso lere hueesalec saua la'qaatqa so Jeremías, 'qaatac nqai'en sá'ogue so qomyipi.

Jeremías 36:11

So Micaías, só'maq llaalec so Gemarías, chaqai laual so Safán, 'xaỹa dá'ogue dá'maq la'qaatec ñi qara'gaxala' quesó'maq retaqateguelec so Baruc.

Jeremías 36:12

Ca' quepegue' yi la'a' so nashi quiñí'maq lauo' so lere lo'o, neetaugui lapoota'ta' sá'ogue so nashillipi: Elisama só'maq lere lo'o; Delaía só'maq llaalec so Semaías; Elnatán só'maq llaalec so Acbor; Gemarías só'maq llaalec so Safán; Sedequías só'maq llaalec so Hananías, chaqai so liỹa nashillipi.

Jeremías 36:19

Co'na'le, ca' qohinac queso Baruc: —Ca' ¡qami' chaqai ca Jeremías 'iichii nañoxochiñi chaqai qaica ỹa'den cá'maq ñiita'ñi!

Jeremías 36:26

Ta'ta'a quiyim ỹilen so Jerameel só'maq 'auaxaic nashi llaalec chaqai so Seraías, llaalec so Azriel, chaqai so Selemías, llaalec so Abdeel, quiyim qaiconlec so Jeremías chaqai so leraxanqajnec Baruc. Qam ñi qara'gaxala' ỹoxochiñi.

Ezequiel 8:11

Ca' setenta so qo'xoiquipi llaalqaipi so Israel nqouagaxaintacot so nashiilqaipi, ca' queso qomyipi ỹalequetaugui so llaalec so Safán, leenaxat Jaazanías. Sá'ogue quiñi 'óna lo'qoota'a na lichiinaxanaxat, ca' so'maxare chicqaugui so lecaugui lesalaxaripi so lichiinaxanaxat.

Hechos 23:10

Ca mashic ỹapaguelec da co'uaxac, ca' so nouaataxanaq lashi 'ue da lqolonaxa quiyim qano'chiguigui so Pablo. Ca relaataxana'alo saua nouaataxanaq lase' quiyim qarouootaxana'gue so Pablo, ca qaỹopilaxata'a yi la'a' so nouaataxanaq.

Hechos 27:43

Qam so lashi so nouaataxanaq, ma' ỹahotaque quiyim nca'leetauec so Pablo, ca se ỹa'maxaren quiyim qohine'tegue dajo. Ta'ta'a quiyim chinlataxan quiyim cá'maq ỹa'den lo'xonaxac, ca 'au taañigui yi huaxaỹaq, 'au ỹo'xonta'ta'a yi 'laua,

Apocalipsis 12:16

Qam na 'laua ỹotauan aso 'aalo. Ma' na 'laua ỹauachigui na lap, ca ỹaqanñi sá'ogue so huaxaỹaq caso lachiugue lo'ueenata so isecỹac na' nesalegue.