Jeremías 26:2 - La'qaatqa ñi qota'olec Qota'olec & Qota'olec Novita Na Qomyipi

² ca 'naapega: Quirepegue' ñi no'ueenaxanaxaqui quena Jerusalén, ca' nachaachiriñi quiyi lavinñi yi nasoxoc. Ca' 'xachi' dá'ogue dá'maq selachirelec quiyim 'xachitem na qomyipi noviro quiyim nqouagaxain, chicqa'ogalo naua na'aate' leta'al quena 'laua Judá. Qaica cá'maq sqa 'xachi' quená'maq selachiraxalec.

Jeremías 26:2 Iomraidhean Croise

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 1:7

Qam ñi qara'gaxala' 'naac caỹim: Totaxan 'ñirac quiyim qami' ne'necoqui'. Qami' qui', 'itegue cá'maq selachitegue, chaqai 'xachi' cá'maq selachirelec quiyim 'ñirac.

Jeremías 19:14

Ca na' ime dajo, ca' so Jeremías pil ca'e yi Tofet yí'maq hua'ño' na' qaila' quiñi qara'gaxala' quiyim ỹa'xat da la'qaatec. Ca na'le, ca' nachajñi quiyi nasoxoc ñi no'ueenaxanaxaqui quiyi Jerusalén, ca 'naac quesá'ogue so qomyipi:

Jeremías 28:5

Ca' so netaxaỹaxaqui Jeremías 'naaco' queso netaxaỹaxaqui Hananías, 'qaatac nqai'en so netaxaỹaxanqajanqaipi chaqai sá'ogue so qomyipi neetaugui ñi no'ueenaxanaxaqui:

Jeremías 36:10

Ca' so Baruc quepegue' yi paguec pa'aauo nasoxoc añi no'ueenaxanaxaqui quiyi ñigo quiñi qaỹamata'gue dalaxaic lasom, ca' quiñi lauo' so Gemarías só'maq llaalec so Safán, só'maq lere lo'o, ca retaqalec aso lere hueesalec saua la'qaatqa so Jeremías, 'qaatac nqai'en sá'ogue so qomyipi.

Jeremías 42:4

Ca' so Jeremías 'naaco': —Ajá'a ỹa'maqachiguiñi, sashiilo' ñi qara'gaxala' ñí'maq qota'olec caqamiri, ma' chaqaida dá'maq shiilaxañitaque, ca' sa'xatema qamiri ma'le cá'ogue cá'maq 'naapiguiỹa', qaica ca soxojñi.

Jeremías 7:2

—Vi'sa'guit ñi ñigo quiñi lo'ueenaxanaxaqui ñi qara'gaxala', ca 'deenaxanaxañitegue da ỹa'qaatec: ná'ogue ná'maq neetalec na Judá quená'maq taatapougui na lasom nqouagaxainot ñi'maxare, na'xaỹaxañiỹa dajo la'qaatec

Ezequiel 3:10

Ime, ca 'naac caỹim: Ỹaatqajam na'xaỹaxañiteta dá'ogue dá'maq shinac caqami' chaqai totaxan 'laxachite.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Lucas 19:47

Ca saua'que saua na'xata' so Jesús rapaxaguinataxantac caso no'ueenaxanaxaqui late'ogue'. Qam na lashillipi na netaxaỹaxanqajanqaipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qai'neeta na lashillipi na qomyipi, idaantaque ca la'maqa' quiyim ỹalauate' so Jesús.

Juan 18:20

Ca' so Jesús 'naaco': —Aỹim ỹaatqajam ñachaxanta quená'ogue na qomyipi quena' setaqa, ca chaqai shintari' quena' sapaxaguinataxan cana lapoxoqui na judioipi chaqai cañi no'ueenaxanaxaqui quena Jerusalén, ñí'maq lapoxoqui ná'ogue na judioipi. Ca' ỹim qaica quet cá'maq ỹa'qaatec soxotetañi.

Juan 8:2

Ca na' richiguiñi queso liỹa na'xa'a, ca so'maxare lotqai pila'a añi no'ueenaxanaxaqui. Ca sá'ogue so qomyipi nqo'neu'a so'maxare, ca so'maxare nqa'amñi, ca chaqa'ma' rapaxaguinataxan.

Hechos 20:20

Qam sqai saxanñi quiyim sa'qaataxantapeguema qamiri quedá'maq ỹo'uet ca ra'maxahi. Sapaxaguiñitac, ñichoxoteta, shiquetaguilo naua ra'aachiri.

Hechos 20:27

Ma' ỹaatqajam sa'xateta dá'ogue da ỹahotaque ỹo'uet ñi qota'a. Qaica ca soxotetañi.

Hechos 5:25

Ca' quiyi, ca 'uo' so ỹale ỹoviro, ca 'naapegalo': —Dauá'maq ỹale' ỹañiỹaugui añi ncoñiitaxanaxaqui, hueese'e añi no'ueenaxanaxaqui, rapaxaguinataxanta'pe quena qom.

Hechos 5:42

Ca lama'xa sqai ỹaxañiñi da lapaxaguinataxanaxague' quiyim ỹa'xatesac so Jesucristo naua'que naua na'xata', quiñi no'ueenaxanaxaqui chaqai quenaua na'aate'.

Deuteronomio 12:5

Quená'maq chi qauori laseripi, ca ñi qara'gaxala' ỹachigoxotaugui ma'le ca lca'acsec loma' quiyim qaimaqachin da leenaxat ñi'maxare. Ca' cajo noma' chaqaica cá'maq quiipegue' quiyim nqouagaxaiñiỹot ñi'maxare.

Apocalipsis 22:19

Chaqai no'm 'ue ca 'ue ca naqata'a quenauá'maq naneresañi la'qaatqa ñi qota'olec canajo lere, ca' ñi qota'olec rouootaxana'gue cá'maq qaỹaqatqajantari' taalec ca'maxare cayi lere chicqaugui da nca'laxa chaqai quiyí'maq na'a' ỹaatqajam co'teeta, yí'maq 'em qoỹerelec anajo lere.