Jeremías 26:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 26:16 Iomraidhean Croise

Ester 4:14

No'm re'maqaite' nagui qaica ca 'ñirac, ca' ca lca'laxa na judioipi ỹoqa'a ca chicqa'gue ma'le. Qam qami' chaqai naua chicqoirauguilo qata'alli' ileue' ma'le. Ca' ¡sqoue quiyim vichirau'a qami' nashi, ma' qaỹahotaque qarotauañi' quedajo!

Jeremías 26:11

Ca co'na'le, ca' so netaxaỹaxanqajanqaipi chaqai so netaxaỹaxaquiripi 'naaco' queso nashillipi chaqai quesá'ogue so qomyipi: —Ñijo ỹale 'maxaraic quiyim qaỹalauat, ma' 'ue da ỹa'xat se no'uen npa'guene'e' na Jerusalén. Ca' qamiri ỹaatqajam 'xahichigui na'le so la'qaatec ñi'maxare.

Jeremías 36:19

Co'na'le, ca' qohinac queso Baruc: —Ca' ¡qami' chaqai ca Jeremías 'iichii nañoxochiñi chaqai qaica ỹa'den cá'maq ñiita'ñi!

Jeremías 36:25

Ca' so Elnatán, so Delaía chaqai so Gemarías ne'xoresentetot so nashi quiyim se copata'a aso lere, qam so'maxare se na'xaỹaxan.

Jeremías 37:15

Ca' saua'maxare ro'ỹita so Jeremías, ca relaataxandelec quiyim qaỹouaxan chaqai qaicoñi' quiyi la'a' so Jonatán, só'maq lere lo'o, ñi lauo' ñigui nqohin quiyim ncoñiitaxanaxaqui.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:41

Qomi' ỹaatqajam ỹa'maqachiguiñi quiyim 'xoic qare'xoric, ma' chi seshiuetenqatac dá'maq ñigui ca qarasauaxaset. Qam ñí'maq ñijo ỹale, qaica ca ỹo'uet se ỹa'maxañi.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Hechos 23:29

Qam na'le, ca' sa'den dá'maq qaỹahotaque soualec nqohin, sauaxat sqai quelgoto naua no'ueenataxaco na judioipi. Ca' negue' quet cá'maq 'neeta quiyim qaỹalauat, loqo'm quiyim qaicoñi'.

Hechos 23:9

Ca sá'ogue ỹaualqatagui. Ca 'vio' saua ne'laxachishiguim napaxaguinataxana' quena naqataxaquipi. Saua'maxare ỹalequesaugui na fariseoipi, ca 'neraco': —Dajo ỹale qaica ca lasauaxaset. Chaqai no'm qanetaxaỹa'ña queca nqui'i, loqo'm ca chicqashiguim qota'a lelaatec, ca se ỹa'maxañi quiyim 'ec ñpa'guenqata'pegue' ñi qota'olec.

Hechos 25:25

Qam caỹim 'eco' sqaica cá'maq ỹaatqajam 'chichiguiñi quet lasauaxaset quiyim ñigui ca lelauaxa; qalaxam chaqaiñi rashiilaxan quiyim qaimit queca lasauaxaset queca qarashi Augusto. Ca sahotaque selata ca'maxare.