Jeremías 26:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam 'yiiñitari' ma'le dajo, no'm yalauachii, qamiri ñiỹa'ñi najo na'a' lodegaxat, ca' 'ue ca rasauaxashichii, ma' yalauachii qaica ca sasauaxat; ma' ỹaatqajam lliqueta quiyim ñi qara'gaxala' chaqaiñi ñí'maq yila' quiyim sa'xatema qamiri dá'maq 'xahitapega nagui.

Jeremías 26:15 Iomraidhean Croise

Génesis 4:10

Qam ñi qara'gaxala' 'naaco' queso'maxare: —¿Chi'neco' ma' 'viichi'o' dajo? Na leuoripi ca rqaỹa'e' coraxachira'pe na'le quena 'laua ỹaualqaso'ot aỹim, ỹahosaque quiyim seuejlgoto.

Génesis 42:22

Ca' so Rubén 'naaco' quesaua'maxare: —Ỹim shinac na'le quiyim qaica ca 'ñii'tegue ca qarqaỹooqui', qam se na'xaỹaxañiua'. Vire'to' nagui, ca taalgoto qomi' da lelauaxa ca'maxare.

2 Reyes 24:4

chaqai sauaxat so lalauatqaipi qaica ca ỹasauaxat, ỹocoraxata'pe saua leuo' quiyi Jerusalén. Ca vichiguiño' ñi qara'gaxala' tot ishit quiyim se ỹa'ue ca nouaxanaxaset.

Jeremías 22:17

Qam qami' qaidaata 'yiiñisapega na ỹoqa'a nauegue; 'viichi' quiyim qaỹalauat ca qaica ca lasauaxaset, chaqai pataqairiñi chi'segueñi na qomyipi.

Jeremías 26:12

Ca' so Jeremías 'naaco' queso nashillipi chaqai queso qomyipi: —Ñi qara'gaxala', ñí'maq yila' setaqa quiyim npa'guene'e' najo no'ueenaxanaxaqui chaqai na na'a' lodegaxat dá'ogue dá'maq 'xahichigui qamiri.

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Mateo 26:25

Co'na'le, ca retaqo' so Judas só'maq ỹahotaco' ỹaano, 'naaco': —Qami' ỹa'gaxala', ca' ¿chaqaỹimo' na'maxare? Ca' so Jesús 'naaco': —Ajá'a, chaqaqami'.

Mateo 26:4

Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.