Jeremías 26:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca co'na'le, ca' so netaxaỹaxanqajanqaipi chaqai so netaxaỹaxaquiripi 'naaco' queso nashillipi chaqai quesá'ogue so qomyipi: —Ñijo ỹale 'maxaraic quiyim qaỹalauat, ma' 'ue da ỹa'xat se no'uen npa'guene'e' na Jerusalén. Ca' qamiri ỹaatqajam 'xahichigui na'le so la'qaatec ñi'maxare.

Jeremías 26:11 Iomraidhean Croise

Jeremías 26:16

Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Mateo 26:66

Ca ¿negue' cá'maq 'ñiỹac? Ca saua'maxare 'neraco': —Da'maxare 'ue da lasauaxaset, ca' qaỹalauat ma'le.

Juan 18:30

Ca 'naaco' so qomyipi: —Quetqai mesqai sauaqhuaic, ca se ñauegaxau'a quet qami'.

Juan 19:7

Qam so judioipi 'naaco': —Qomi' 'ue da naqataxac qoỹaanema qomi' na'le, ca dá'maq qanaqataxac 'neetasa' quiyim qaỹalauat, ma' da'maxare 'naac quiyim llaalec ñi qota'olec.

Hechos 22:22

Ca' quiyi, ñaq qana'xaỹaxantapega so Pablo. Qam na'le, ca' ỹaualqagui so qomyipi, ca 'naaco': —¡'Maxaraic qaỹalauat da ỹale! ¡Se ỹa'maxañi quiyim nca'leetauec!

Deuteronomio 18:20

Qam ca netaxaỹaxaqui 'naac quiyim ỹa'xat ca ỹa'qaatec, qam ỹa'xat cá'maq sqai shinapega quiyim ỹa'xat, loqo'm ỹa'xat ca la'qaatec ca liỹa nashiilec, ca ca'maxare qaỹalauat.

Jueces 6:30

—Nelachirec ca qachaalqui', qaiyi salauataq. ¡Ma' ỹopoxoỹaxachigui ada ncopatoxonaxalate quiñi Baal chaqai aca qo'paq 'xoic lichic huaqate'e' yi'maxare!