Jeremías 25:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ñi qara'gaxala' ñí'maq qota'olec queso Israel 'naac caỹim: 'Ajñi' añi 'taxaqui no'qajlec quena lataxa queda ỹonogoxonaxac. Coñita, ca' ni'chigui nqai'ñi' ná'ogue na qomyipi ná'maq selata qami'.

Jeremías 25:15 Iomraidhean Croise

Jeremías 1:5

Na' saqa' saanem qami' da nachaalataxaqui', ca ica'acsec qami'; na' saqa' ne'qa'iriñi, chaqa'ma' soỹootec aqami'; sahotaque qami' itaxaỹaxanqajnec quená'ogue na ỹoreta'oguit qomyipi.

Jeremías 36:2

Coñita aca lere, ca 'chirelec ná'ogue ná'maq ỹa'qaatqaipi taỹalec yi Israel chaqai yi Judá chaqai na liỹa qomyipi, chicqochi'ñi na' sa'ue da ỹa'qaatec caqami' na' ñaqai neetaho so Josías, chi ỹovireta'a nagui.

Jeremías 43:11

Ma' novi', ca nopoxoỹaxajñi na Egipto. Ca ná'maq taỹa'a quiyim ileu, ca' ileu; chaqai ná'maq taỹa'a quiyim qai'xategue ca liỹa 'laua, ca' qai'xat; chaqai ná'maq taỹa'a quiyim ileuaugui ca lauataq, ca' ileu ma'le queca lauataq.

Jeremías 45:5

¿'Ue cá'maq vi'saque shiilaxañiraque cá'maq no'uen? Qam sqai shiilaxañiraque, ma' ỹim sahotaque ñila' ca ne'xoric quená'ogue na qomyipi. Qam qaidaata quiyim qami' ñaq rca'lli'sauec quecá'maq 'itegue. Ỹim na'gaxala', se'taxajñi da ỹa'qaatec. (46.1—52.34 Da la'qaatec ñi qara'gaxala' 'naac quiyim ỹa'ue ca nouaxanaxaset yi Egipto chaqai yi Babilonia. Noxonec yi Jerusalén. Qanopoxoỹaxajñi so no'ueenaxanaxaqui lodegaxat. Ca' so judioipi qainaxague da Babilonia.)

Apocalipsis 14:10

ca ca'maxare ni'chigui nqohin dá'maq chalego lecaic nouaxanaxac ma'le chicqo'ot ñi qota'a, dá'maq qaỹa'maxatetañi 'ec hueetagui añi 'taxaqui dá'ogue da lonogoxonaxac ñi qota'a. Ca' qaỹo'uet ma'le ca le'xoric, qaỹodoota'a ca norec chaqai ca quiquiaxaic ỹaviquetaugui, ỹa'ajantac nqohin na lelaatqaipi ñi qota'a chaqai so 'ec qagreta llaalec.

Apocalipsis 14:19

Ca' so nelaatec piguim le'ec quelec nqai'en so lichaqsoxonaxat na 'laua, ca' naqat ana 'uva quena 'laua. Ca ỹocorougui ca lahi' lodegaxat, ca qanelam na li'i. Ca dá'maq leloxoỹaxac dajo quiyim naỹa'quena dá'maq chalego lecaic da louaxanaxanaxac ma'le ñi qota'a.