Jeremías 22:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ñi qara'gaxala' 'neetasa' da la'qaatec queso llaalec so Joacim, leenaxat Jeconías, só'maq nashi quiyi Judá: Ñallitalta' queda ñachaalataxac: quiyim 'enquetqai 'ñiisari' aca paguec ỹauochaqate itanaxanqate ichicshaqate neetagui ada ñapoquena ỹoicse, qam ñaqate'e qami',

Jeremías 22:24 Iomraidhean Croise

2 Reyes 24:12

Ca co'na'le, ca' so Joaquín, só'maq nashi quiyi Judá, chaqai aso late'e, chaqai so la'gaxala' so nalliripi, chaqai na ỹalliripi npe'eeteripi, nañaanot so nashi quiyi Babilonia, ca noxonqaipi so'maxare. Ca' sojo hueetougui na' ỹovi' ocho ñaxari quiyim nashi so Nabucodonosor.

2 Reyes 24:15

Ca' so Nabucodonosor i'xat coñi' so Joaquín chaqai aso late'e, chaqai saua loua', so lotauaripi nashillipi, chaqai so qomyipi paguec qaimaqachin quiyi 'laua. Chicqochi'ñi yi Jerusalén, ca i'xat coñi' ỹaueguegue da Babilonia.

Cantares 8:6

Yi'xachi' hueetagui nqai'ñi' aỹim añi re'taxanata'e', ¡yi'xachite' 'ec seuetauguilo naua rqai'laqachichi'! Da nqo'iichi qaica quepaxat 'ec da nelauaxa; da nishoxo se nolauñi 'ec aca napal lahi'. ¡Dá'maq ỹaatqajam lauaq da nqo'iichi ỹaatqajam chicqo'ot ñi qota'olec!

Isaías 49:16

Ỹim hueetagui nqaishin qami' na ñapoquena lauel, 'ec sa'ajanta'pe quen naua rquepaqataxanqachichi'.

Jeremías 22:28

¿Ca' ñi Jeconías 'ec aca nehoma poxoỹaxai tot qaỹouen, 'ec ca nehoma lahi tot qaica ca nqo'ta? ¿Chi'negue ma' qainaxarec ñi'maxare chaqai na llaalqaipi, qainaxague da 'laua qaica ca ỹauanapega?

Jeremías 28:4

Chaqai qai'neeta so'uet quiyim rapile' quenajo so Jeconías, llaalec ñi Joacim, nashi quiyi Judá, chaqai yá'ogue yi liỹa qomyipi qai'xat na'le quiyi Judá, qai'xategue da Babilonia. Ajá'a, ỹim saqaguichigui ma'le da lquesaxanaxa ñi nashi quiyi Babilonia. Ỹim na'gaxala', se'taxajñi da ỹa'qaatec.

Jeremías 37:1

So Nabucodonosor só'maq nashi quiyi Babilonia ỹano quiyim nashi quiyi Judá so llaalec so Josías, leenaxat Sedequías, ỹana'ñi yi loma' so Joacim llaalec, leenaxat Jeconías.

Hageo 2:23

Ca' quecajo na'xa'a, ca' qami' ilaatec Zorobabel, ỹaatqajam sa'maxate'tegue qami', shinta'gue maca ichicshaqate itanaxanqate, ma' ỹim qami' ica'acsec. Ỹim na'gaxala' sqaica lqalanec, se'taxajñi da ỹa'qaatec.