Jeremías 22:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ñi qara'gaxala' qota'olec 'naac da la'qaatec quiñi Joacim, llaalec so Josías, ñí'maq nashi quiyi Judá: Qaica ca noỹen ma' ileu. Ỹaatqajam qaica ca noỹen chaqai quiyim 'naac: ¡'Xoraicolec yi ỹaqaỹa! ¡'Xoraiỹole ayi ỹaqaỹa! ¡'Xoraicolec yi ỹa'gaxala'! ¡'Xoraicolec yi ỹashi!

Jeremías 22:18 Iomraidhean Croise

2 Samuel 1:26

¡Ỹaatqajam 'ue da i'xoric caqami' ỹaqaỹoolec Jonatán! ¡Ỹaatqajam ỹim rauochaxachi' na'le! Ca quedá'maq rauochaxa'e' na'le caỹim ỹaatqajam napacalec ca lqo'iichi na 'aallipi.

2 Reyes 23:36

So Joacim ỹovite' veinticinco niñaxari na' nashi, ca' once ñaxari nashi quiyi Jerusalén. Aso late'e leenaxat Zebuda, llaale so Pedaías, na'ñi yi na'a' Ruma.

2 Reyes 23:6

Ime, ca' naqatec quiyi Jerusalén aso lqui'i aso nashiila Asera qoỹantaugui añi lo'ueenaxanaxaqui ñi qara'gaxala', ca' ỹavigaxat, hua'ñi nqai'en yi ñaachi Cedrón, sá'ogue alo nqai'en. Ca' imejlec so napalyipi.

2 Reyes 24:6

Ca co'na' ileu so'maxare, ca' qoỹano quiyim nashi so llaalec Joaquín.

Jeremías 36:30

Vichiguiño' ỹim na'gaxala' shinac caqami' Joacim, nashi quena 'laua Judá: Qami' qaica qachaalqui' nqa'xanñigui ma'le añi nqa'xanaxaqui so nashi David. Ca ma' rillivi', ca vi'sa'guit ca npa'ỹaaxa chaqai ana loñi quiyi pe.