Jeremías 22:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam qami' qaidaata 'yiiñisapega na ỹoqa'a nauegue; 'viichi' quiyim qaỹalauat ca qaica ca lasauaxaset, chaqai pataqairiñi chi'segueñi na qomyipi.

Jeremías 22:17 Iomraidhean Croise

1 Reyes 21:19

Ca ma' vichita, ca 'ñiraco': Da la'qaatec ñi qara'gaxala' 'neetasa': Ma' qami' lauachi' yi Nabot, ca' coñita na lalamaxaret, ca' chaqaina ná'maq hua'ñi na' qancolliisecshiguim saua leuo' quena pioxoripi, ca' chaqaina hua'ñi ma' qancolli'ishiguim caua reuochi'.

2 Reyes 23:37

Qam da lo'ueenataxanaxac se qanqo'ta quiñi qara'gaxala', ma' 'nejem so 'auaxaic leta'allipi.

2 Reyes 24:4

chaqai sauaxat so lalauatqaipi qaica ca ỹasauaxat, ỹocoraxata'pe saua leuo' quiyi Jerusalén. Ca vichiguiño' ñi qara'gaxala' tot ishit quiyim se ỹa'ue ca nouaxanaxaset.

Proverbios 24:2

ma' qaica ca liỹa ỹa'deenapega, qaidaata da lqa'viic, chaqai qaica ca liỹa ỹa'xat, ta'ta'a quiyim ỹo'uet ca se no'uen.

Jeremías 19:4

Ma' na llaalqaipi so Israel ca'e aỹim, ca' ñigui quiyim 'ec ỹoqa'a najo 'laua; quenajo, ca ỹo'uet ca lichiinaxanaxat quena ỹoqa'a 'naac qota'olqaipi, qam se iuanapega, vire'ta so 'auaxaic leta'allipi chaqai na nashillipi quena Judá, ca no'xataxajlec quena leuoripi na qomyipi qaica ca lasauaxaset.

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Ezequiel 18:12

quiyim pataxañi ca 'xoraic chaqai cá'maq 'ue ca louenaxanaxa, chaqai rocachot na liỹaripi, chaqai se ỹopilaxat ca louenec cá'maq 'ue aca la'uale, chaqai 'ue da lpi'ỹaxac quena qohinac qota'olqaipi chaqai ỹo'ueetetac ná'maq se yqo'ta,

Miqueas 2:2

Quena' 'ue yi nqo'teu'a 'laua, ca rouootaxana'gue; chaqai quena' 'ue na nqo'teu'a 'imec, ca' rocacha. Pataxañi na qomyipi, chaqai na llaalqaipi chaqai na lalamaxaret louenqaipi.

Miqueas 3:10

ma' no'xoñiishiguim yi Jerusalén yí'maq na'a' lodegaxat cada qa' ladocai Sión, no'xoñiishiguim queda nalauataxanaxac chaqai queda se no'uen.

Romanos 1:29

No'qaachiguilo quená'maq se no'uen na'deenataxanaxac, dequenaxac, nqa'viic, nemitete'e ana plata chaqai na se no'uen, pa'guenaxanaxaiquipi, lauataxanaxaiquipi, petaxanaxaiquipi, 'maatqaiquipi, qa'uaic chaqai la'axaqa lo'o'.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

1 Samuel 8:3

Qam saua llaalqa sqai 'neete'm so leta'a'. Ta'ta'a quiyim saua'maxare qo'iitaxanqachaqaqa, ca ỹa'maxarente' quiyim chi qaishiuetene', ca' se ỹo'ueete' cá'maq ỹaatqajam ỹa'maqachiguiñi.