Jeremías 22:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ ¿'Neetapigui qavilli' quiyim ca nashi qaidaata quiyim ỹovira'ta' cana qo'paq cedro? So qataa'i' netoonta'gue da nachaalataxac; qam ỹo'ueetetaiquen dá'maq ỹa'maqachiguiñi chaqai ỹaqamqata, vichiguiño' qaica ma' se ỹa'maxañi quet cá'maq lo'ueenatec.

Jeremías 22:15 Iomraidhean Croise

1 Reyes 10:9

¡Ỹaatqajam qaimaqachin ñi qara'gaxala' qota'olec ñí'maq vi'relec ñí'maq nqo'to' qami', ca' ỹo'uet quiyim qami' lashi na llaalqaipi so Israel! ¡Quedá'maq se neme lqo'iichi ñi qara'gaxala' quena llaalqaipi so Israel, ca ñi'maxare ỹo'uet quiyim qami' nashi, ca loqoira'a, qaiyi ỹa'maxañi chaqai no'uen ca llicyaxac!

2 Reyes 22:2

Naua lo'ueenataxanaxaco ỹaatqajam ỹa'maxarente' ñi qara'gaxala', ma' queetalec dá'maq lo'ueenataxanaxac so David chaqai so 'auaxaic leta'allipi, ỹaatqajam sqa ỹoxouec.

2 Reyes 23:25

Qaica ca nashi 'nejem so'maxare quesó'maq 'auaxaiquipi chaqai queso co'uaataxanaxaiquipi queso'maxare. Ma' so'maxare ỹaatqajam ỹomato'ot añi le'taxanata ñi qara'gaxala' chaqai da nachaalataxac chaqai dá'ogue da lquesaxanaxa, ipaquichigui nqai'en dá'ogue da lelaataxanaxaquipi so Moisés.

Proverbios 25:5

Se ro'ueenataxanot nqohin ca nashi ca hualoxonaq, ca' 'chiñi ma'le da lelaataxanaxac queda ỹa'maqachiguiñi.

Proverbios 31:9

Nelamaxariñi', 'ootaxañirelec; ¡'viichi' ca ỹa'maqachiguiñi quená'maq qaicanqaiyi 'xoraiquipi!

Eclesiastés 2:24

Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Jeremías 22:18

Ñi qara'gaxala' qota'olec 'naac da la'qaatec quiñi Joacim, llaalec so Josías, ñí'maq nashi quiyi Judá: Qaica ca noỹen ma' ileu. Ỹaatqajam qaica ca noỹen chaqai quiyim 'naac: ¡'Xoraicolec yi ỹaqaỹa! ¡'Xoraiỹole ayi ỹaqaỹa! ¡'Xoraicolec yi ỹa'gaxala'! ¡'Xoraicolec yi ỹashi!

Jeremías 42:6

Sa'maxarenqata loqo'm se sa'maxarenaq cá'maq 'ñirac, qam qomi' ña'xaỹaxanaxa cá'maq 'naac ñi qara'gaxala', ñí'maq qota'olec coqomi', ñí'maq qomi' shinqac quiyim shiila'e', qaiyi no'uen ca qoyicyaxac.

Jeremías 7:5

No'm no'ueenaxachii da nachaalataxaguii chaqai da ro'ueenataxanaxaguii chaqai quiyim na'maxachii'jta';

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

1 Corintios 10:31

Hua', no'm qui'ii, loqo'm ni'chii, loqo'm canchaqaica liỹa 'viichii, 'viichii ná'ogue, qam maqajñitac ñi qota'a.