Jeremías 20:8 - La'qaatqa ñi qota'olec Qota'olec & Qota'olec Novita Na Qomyipi

⁸ Quena' setaqa, lotqai sa'xat da nqa'viic chaqai da nalauataxanaxac; ca' se name quiyim qoyiquetapiguiỹa' chaqai qayi'neetac, ma' sa'xateta'pe naua ra'qaataxahi'.

Jeremías 20:8 Iomraidhean Croise

Jeremías 15:10

¡Qami' ỹacho'ole, 'xoraicolec aỹim! ¿Chi'neco' ma' ne'qaañi nqai'ñi' aỹim? Qaỹimetam sco'ueeta'guit chaqai ñco'uaata'pegue' ná'ogue na qomyipi quena 'laua. Qaica ca sa'ualaxanaxan cana ỹam chaqai qaica ca ya'ualaxanaxan, qam qaiyiita ná'ogue ỹa'xatetac na se no'uen caỹim.

Jeremías 15:15

Qami' qara'gaxala', qami' 'yiiñi' ná'ogue, ¡o'lliinchira'a aỹim, ca' yotauañi'! ¡Vite ca ỹovi' quená'maq yocantegueñi! Totaxan queeta nqai'ñi' na'maxare, ca 'xañitegue quiyim yileu; 'anta qami' ná'maq 'em ña'ñaxateta'piguit da ñovirqataxac.

Jeremías 20:7

Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Jeremías 28:8

'Ue so 'auaxaic netaxaỹaxaquiripi, na' saqa' ñi'xaỹoxosoxoñi, ỹa'xateta'guit so lauataq, so ne'xoric chaqai so ne'ne', taỹalec so 'xoic qomyipi chaqai so nashillipi quesaxanaxaiquipi.

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Lucas 11:45

Ca 'uo' so retaqa quesaua napaxaguinataxana' quena naqataxaquipi, 'naaco': —Qami' napaxaguinataxanaq, ca' quedajo 'xachi' qai'neeta ỹovira'ogalo qomi' quiyim qomi' qarayilqochichi'.

Hebreos 11:26

Chaqai 'ec paguec lesallaxa nqai'en quiyim 'ue da le'xoric se qaỹa'maxata'gue soualec so Cristo, sqai quiyim hueeto'ot yá'ogue yi lesallaxa yi Egipto, ma' ra'iitagui da lishiuetenaxanaxac ma'le ñi qota'a.

Hebreos 13:13

Ca vichiguiño' ñqo'naxe'oga so Jesús hueeta'oga yi qoỹoqote'oga quiyi qoyinta'ñi, ca' qare'xoyaxaua quiyim se qaỹa'maxata'gue, shinqatam dá'maq le'xoric so'maxare.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.