Jeremías 20:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Jeremías 20:7 Iomraidhean Croise

Jeremías 15:10

¡Qami' ỹacho'ole, 'xoraicolec aỹim! ¿Chi'neco' ma' ne'qaañi nqai'ñi' aỹim? Qaỹimetam sco'ueeta'guit chaqai ñco'uaata'pegue' ná'ogue na qomyipi quena 'laua. Qaica ca sa'ualaxanaxan cana ỹam chaqai qaica ca ya'ualaxanaxan, qam qaiyiita ná'ogue ỹa'xatetac na se no'uen caỹim.

Jeremías 15:18

¿Chi'negue ma' na nqui'ic se neme caỹim? ¿Chi'negue ma' na icoñiraxa qaican nataren, se nqo'chiguit ná'ogue na natarenaxanaxat? Qami' 'ñiisari' caỹim ca huaxaỹaq choxonataxanaxai 'ec quena' 'ue na qachilli'.

Jeremías 17:16

Qam ỹim qaica ca ipagaxallic quiyim vite ca le'xoric chaqai se sashiilaxantaque ca se no'uen quena qomyipi. Ca' qami' ỹaatqajam 'yiiñite' dá'maq sa'xat, ma' ỹim se ñañoxotetañi caqami' quena' 'ue dá'maq sa'xat.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Jeremías 29:26

Ñi qara'gaxala' 'naac quiyim qami' netaxaỹaxanqajnec, vira'ñi yi loma' so Joiada, quiyim qami' ra'ireguelec ná'ogue quena no'ueenaxanaxaqui quena Jerusalén. No'm 'ue ca hualoxonaq, ca' retaqa, 'naac quiyim netaxaỹaxaqui, ca' qami' vite ca 'gaxanaxañiriguilo naua lichil chaqai coñichi'.

Jeremías 38:19

Ca' so Sedequías 'naaco': —'Ue na iqolonaxa queso judioipi taugui na caldeoipi; no'm yaqajñi, ca' qa'viỹahic.

Ezequiel 3:14

Ca' da lquesaxanaxa ñi qota'olec naqata'a ỹim quiyi'maxare, ca' ỹim shic, qam se ỹa'maxagui na iuel chaqai sachicota, qam ñi qara'gaxala' lo'qoota'a da iqai'laxat ỹovicqochigui.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Lucas 23:11

Ca' so nashi Herodes chaqai so nalliripi ỹaatqajam i'naari' so Jesús, ca' qaipeguenlec so nepo' ỹaatqajam qaica 'nejem loyac, 'nejem nqohin no'ueetaxac ca nashi. Ca co'na' ime, lotqai qaỹopilaxata so Pilato.

Hechos 17:18

Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.

Hechos 17:32

Ca' sojo qomyipi co'na' 'xaỹa dajo quiyim na leuaxaic liỹa nca'leuec, ca 'uo' na i'neetac. Qam na liỹaripi 'naaco': —Ma' liỹa, ca ña'xaỹaxanaxa qami' quedajo, ma' liỹa 'xachi' dajo.

1 Corintios 9:6

Loqo'm ¿'neetapigui qavillii quiyim so Bernabé chaqai aỹim quiyim qoqometa se seshitaq quiyim saxanaxañi da re'qoochigui qaro'ueenataxanaxac, ca qaralamqajlec sa'xataq da na'qaatec?

Hebreos 11:36

Chaqai na liỹa ỹovirau'a da ne'naxac, chaqai da nouaxanaxac, chaqai vire'ta qaỹahote'e na lequet quena ncoñiitaxanaxaqui.