Jeremías 20:6 - La'qaatqa ñi qota'olec Qota'olec & Qota'olec Novita Na Qomyipi

⁶ Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 20:6 Iomraidhean Croise

Jeremías 14:13

Ca' ỹim shinac na'le: Qam qami' qara'gaxala'; na retaxaỹaxaqui'i'ipi shi'gue 'naac quiyim qaica ca lauataq chaqai ca nqopaaxa, chaqai quiyim qami' vite 'xoic ca no'daxa quenajo 'laua.

Jeremías 14:16

Chaqai quená'maq qomyipi retaqasapougui saua'maxare, qai'neeta ileu ma'le queca lauataq chaqai quena lqopaaxa, queeta'ñi' ana loua, llaalqaipi, llaallipi. Na loshicmaxa ma' ileu, ca' qainaxa'ñigui naua nayico quena Jerusalén, chaqai qaica ca ishinñi. Ca' queda, ca' ishiueten nqaishin dá'maq se no'uen ỹo'ueetetac. (14.17-22 So netaxaỹaxaqui Jeremías nalamaxate'te' ñi qara'gaxala'.)

Jeremías 20:1

Ca' so Pasur, llaalec so Imer, so'maxare netaxaỹaxanqajnec chaqai 'auaxaic neloxoỹaq quiñi no'ueenaxanaxaqui quiyi Jerusalén, na' 'xaỹa so Jeremías ỹa'xat da qota'olec la'qaatec,

Jeremías 20:4

Ma' ñi qara'gaxala' 'naac caqami': Ỹim ñigui nqolonaxa nqaishin qami', caqami' chaqai quená'maq nauochaxaua'e'ipi. Ỹaatqajam huañichirigui ma'le na nauochaxaua'e'ipi ma' qaỹalauat qaỹahote'e na lecat na npa'guenaxaua'e'ipi. Saanec ma'le ná'ogue na qomyipi na'ñi na Judá, saanem ñi nashi quiyi Babilonia, ca ñi'maxare coñi', ca' ỹaueguegue da na'laua, loqo'm ỹalauat ỹahote'e na lecat.

Jeremías 29:32

vichiguiño' ỹim na'gaxala' shinac: Souaxan ma'le ñi Semaías chaqai na llaalqaipi. Ca' qaica ma'le ca llaalec ỹalequetaugui na ỹalamaxareteripi, chaqai se ỹalega'a da na'maxa saanem ma'le na ỹalamaxareteripi, ma' quenaua la'qaatqa ỹo'uet quiyim npa'guiñi'e' aỹim. Ỹim na'gaxala' se'taxajñi da ỹa'qaatec. (30.1—31.1 Ñi qara'gaxala' ỹa'xateta'guit da lca'laqataxanaxa ma'le chaqai dá'maq noyac ma'le quiyi qomyipi.)

Miqueas 2:11

No'm 'ue ca ỹo'uet ca la'maachic, ca' 'naac: “Ỹim sa'xateta'guit ca lataxa chaqai ca 'taxat,” ca' chaqaica cá'maq ỹaatqajam na'qaataxanqajnec qaimaqachin quenajo qomyipi. (2.12-13 Ñi qota'olec 'naac ro'ootaxanlec ma'le so lalamaxareteripi.)