Jeremías 20:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ ¿Chi'neco' ma' ñinoxonec quena lauel aso ỹate'e? ¿Peeta'a qaidaata seuana da nqui'ic chaqai da ne'xoric, chaqai quiyim ime da ñachaalataxac, ca' shiqueta'ñi' da ỹayiloxo? (21.1—22.12 So Jeremías ỹa'xat da la'qaatec ñi qara'gaxala' dá'maq 'neeta ma'le ca nouaxanaxaset chaqai quiyim qanomachichiguiñi. Ñi qara'gaxala' ỹa'ue ma'le ca nouaxanaxaset ná'ogue na ỹoreta'oguit qomyipi.)

Jeremías 20:18 Iomraidhean Croise

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Job 14:13

Saxanchi' yayoxochiriñi queca loma' na lqui'i na leuaxaiquipi, toco' ma' ime'uegue ca qavilli', chaqai vite ca raloqojonqui' quiyim o'lliinchira'a ỹim.

Job 3:20

¿Chi'neco' ñi qota'olec ma' ỹaanem da nachaalataxac cá'maq 'ue da le'xoric? ¿Chi'negue ma' ỹaanem da lca'laxa cá'maq 'xoic da nqui'ic,

Job 5:7

chaqaina na ỹale ná'maq chicqaugui da ne'xoric, 'nejem na norec chicqañigui aca raqataxai poqo.

Isaías 1:6

Chicqochi'ñi naua qapiaachiri lavilli' ỹoviragui na rqahiguii qaica ca no'ueenta caqamiri; ná'ogue coñirqata, nouaxanec, dalachigui ana ne'neete; qaica ca natarene' qamiri chaqai ca ỹaxajlec, chaqai ca taañi nqai'en na nqui'ic, ỹahote'e na aceite.

Jeremías 15:10

¡Qami' ỹacho'ole, 'xoraicolec aỹim! ¿Chi'neco' ma' ne'qaañi nqai'ñi' aỹim? Qaỹimetam sco'ueeta'guit chaqai ñco'uaata'pegue' ná'ogue na qomyipi quena 'laua. Qaica ca sa'ualaxanaxan cana ỹam chaqai qaica ca ya'ualaxanaxan, qam qaiyiita ná'ogue ỹa'xatetac na se no'uen caỹim.

Jeremías 15:18

¿Chi'negue ma' na nqui'ic se neme caỹim? ¿Chi'negue ma' na icoñiraxa qaican nataren, se nqo'chiguit ná'ogue na natarenaxanaxat? Qami' 'ñiisari' caỹim ca huaxaỹaq choxonataxanaxai 'ec quena' 'ue na qachilli'.

Jeremías 8:18

Qaica ca lata' da nqui'ic caỹim, añi i'taxanata rachitatatac.

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

Hebreos 10:36

Qamiri viñitac quiyim 'ue ca la'ñaxac qavillii, qaiyi shichii 'viichii cá'maq ỹahotaque ñi qota'a, chaqai quiyim coñiguit cá'maq ỹachaxantac ñi'maxare.

Hebreos 11:36

Chaqai na liỹa ỹovirau'a da ne'naxac, chaqai da nouaxanaxac, chaqai vire'ta qaỹahote'e na lequet quena ncoñiitaxanaxaqui.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 13:13

Ca vichiguiño' ñqo'naxe'oga so Jesús hueeta'oga yi qoỹoqote'oga quiyi qoyinta'ñi, ca' qare'xoyaxaua quiyim se qaỹa'maxata'gue, shinqatam dá'maq le'xoric so'maxare.