Jeremías 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Na netaxaỹaxanqajanqaipi quena' qaretaxaỹa'pegue' aỹim se idaanaque aỹim, na napaxaguinataxanaripi quena ỹalamaxareteripi qaica ca ỹauaaque aỹim, na lashillipi npa'guene'e' aỹim, na itaxaỹaxaquiripi ỹa'xat da leenaxat so nashiilec Baal, chaqai quegue na nadenqatec nqolac qaica ca 'negue.

Jeremías 2:8 Iomraidhean Croise

1 Reyes 18:22

Ca' so Elías queetalec da letaxaỹaxac, 'naaco': —Qaỹimeta ỹim letaxaỹaxaqui ñi qota'olec ñaq yca'leetauec. Ca' so Baal, ca ỹovi' cuatrocientos cincuenta na letaxaỹaxaquiripi.

1 Reyes 18:29

Qam chi ỹovireta'a quiyim napacalec so na'xa'a lavinñi, qam so qomyipi ñaqai queeta ỹaualqatagui, chaqai nenotetashiguim 'ec hualoxonyipi, chi ỹovireto'o' ca laloqo'o' quen quena' qoỹaano, ca' qaỹavigaxat ca nachitaxanataxanaxat. Qam ¡qaica ca qara'xaỹaque quiyim saachiguit so qomyipi!

1 Reyes 18:40

Ca co'na'le, ca' so Elías 'naaco' queso qomyipi: —¡Coñilec ná'ogue na letaxaỹaxaquiripi ñi Baal! ¡'Neeto' 'ue ca qohit! Ca' qaiconlec so qomyipi, ca' so Elías ỹauega yi ñaachi, leenaxat Cisón, ca' ichaxauec ñi lqahic sá'ogue.

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

Jeremías 2:11

quiyim na mesqai judioipi se ỹadalaxat ca 'naac qota'olqaipi. ¡Quená'maq qota'olqaipi qaica ca 'negue! Qam na ỹalamaxareteripi ca'e aỹim quiyim aỹim lquesaxanaxa, ca' quegue na nadenqatec nqolac qaica ca 'negue.

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Jeremías 4:22

Na ỹalamaxaret ỹaatqajam se nouoogoñi, se no'uenegue aỹim —'naac ñi qara'gaxala'—. Ỹaatqajam ñaalqaipi se na'maxat, ma' ỹaatqajam se retanaxan. Ỹaatqajam ỹa'den quiyim ỹo'uet na se no'uen, qam se ỹa'den ỹo'uet ca ỹa'maqachiguiñi.

Jeremías 7:8

Qamiri viiteguelec na na'qaatqaipi na'maachic qaica ca 'negue caqamiri.

Ezequiel 34:2

Qami' ỹale, taxahi' quiichigui nqai'ñi' da ỹeenaxat quena neloxoỹaripi quena Israel, 'ñiraco' ma'le quena'maxare: 'Neetasa' da la'qaatec ñi qara'gaxala': ¡Chalego le'xoric ná'maq neloxoỹaripi quena Israel chi ncochiiteguelta'! Qam ná'maq cochiỹa quet ná'maq neloxoỹaripi, aná'maq ilo qagreta.

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?

Lucas 11:52

¡Ca' vichiguiño' 'xoraiqolqa qamiri napaxaguinataxana' quena naqataxaquipi! Ma' qamiri npa'xañilec aso lauaatqate ñi lasom da na'deenaxanaxa, qam sqai noxoñiho qamiri chaqai sqa shiñiho quiyim inoxono ná'maq ỹahotaque inoxono.

Juan 16:3

Dajo qohine'teguelo qamiri ma'le, ma' se qaiuanapega ñí'maq qota'a chaqai aỹim.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

1 Samuel 2:12

Ca' saua llaalqa so Elí ỹaatqajam hualoxona', qaica ca ỹahoraque ñi qara'gaxala',