Jeremías 2:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ñi qara'gaxala' 'naacsa' caqamiri: ¿Nega'ỹo' cá'maq se ỹa'maxañi ỹo'ueenataxanaxac iuana caỹim so 'auaxaic qataa'illipi? Ma' ca'e aỹim, quegue coỹareta'pegue' ná'maq 'neetapega qota'olqaipi qam qaica ca 'negue, chaqai ñigui quiyim qaica ca 'negue só'maq qomyipi.

Jeremías 2:5 Iomraidhean Croise

2 Reyes 17:15

Se icoñiguita saua naqataxaco chaqai dá'maq 'deenaxac qaỹa'yiñi na'le, chaqai nauá'maq lelaataxanaxaco ỹaanema na'le. Chaqai qai'neeta qui'ñigui ná'maq qohinac qota'olqaipi qaica ca 'negue, naỹa'a ná'maq qomyipi sqoỹoqaque na na'ñi, quená'maq se ỹa'maxaren ñi qara'gaxala'.

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Jeremías 2:4

Ná'maq chigoxougui so Jacob, liỹa leenaxat Israel, ná'maq lalamaxaret llaalqaipi so'maxare, ñaq na'xaỹaxañiỹa da la'qaatec ñi qara'gaxala'.

Jeremías 8:19

Da laualaxac na iuo' laseripi qara'xaỹa quenaua'que naua lahil na 'laua, 'naac: “¿'Ec ñi qara'gaxala' totqai neeta'ñi na Sión? ¿'Ec totqai neeta'anyi ñi nashi?” Ca' ñi qara'gaxala' retaqa, ca 'naac: “¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi, ná'maq 'ñiitapega qota'olqaipi, qam qaica ca 'negue?”

Jonás 2:8

Ná'maq huelec na nashiilec nqolaquipi, na'maxare ỹaxanñi quiyim huelec qami'.

Mateo 15:8

Najo qomyipi 'neetapega quiyim yimaqachintac, qam añi le'taxanata ỹaatqajam qoỹoqo'ta nqai'en aỹim.

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Romanos 1:21

Ma' na'maxare mashic ỹa'den ñi qota'a, qam sqai 'neeta'gue quiyim chaqaiñi ñi qota'olec, chaqai sqai ỹaantacot da na'aachicyaxac. Ta'ta'a quiyim ỹa'deentapega ná'maq sqaica ca 'negue, chaqai añi le'taxanata ỹo'meetam, hueetagui na 'eco' napalaxa.