Jeremías 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ná'maq chigoxougui so Jacob, liỹa leenaxat Israel, ná'maq lalamaxaret llaalqaipi so'maxare, ñaq na'xaỹaxañiỹa da la'qaatec ñi qara'gaxala'.

Jeremías 2:4 Iomraidhean Croise

Jeremías 19:3

Ca 'ñirac ma'le: Qamiri nashillipi quena 'laua Judá chaqai na na'ñi na Jerusalén, na'xaỹaxañiỹa da la'qaatec ñi qara'gaxala' qaica lqalanec, ñí'maq qota'olec queso Israel: Chalego lecaic ca ne'xoric taalec nqaishin najo 'laua, ca ná'ogue ná'maq 'ue ca la'xaỹaxac 'ec ratohichiguilo naua lque'laa lauaco.

Jeremías 2:3

Na Israel ỹaatqajam nañaanto'ot aỹim na'le, yi'maxare yí'maq paguec loyac ỹanecsec ala. Quena' 'ue yi sham na'axat, ca' ỹim souaxan, taalec nqaishin da le'xoric, ỹim na'gaxala' qota'olec, se'taxajñi da ỹa'qaatec.

Jeremías 2:5

Ñi qara'gaxala' 'naacsa' caqamiri: ¿Nega'ỹo' cá'maq se ỹa'maxañi ỹo'ueenataxanaxac iuana caỹim so 'auaxaic qataa'illipi? Ma' ca'e aỹim, quegue coỹareta'pegue' ná'maq 'neetapega qota'olqaipi qam qaica ca 'negue, chaqai ñigui quiyim qaica ca 'negue só'maq qomyipi.

Jeremías 7:2

—Vi'sa'guit ñi ñigo quiñi lo'ueenaxanaxaqui ñi qara'gaxala', ca 'deenaxanaxañitegue da ỹa'qaatec: ná'ogue ná'maq neetalec na Judá quená'maq taatapougui na lasom nqouagaxainot ñi'maxare, na'xaỹaxañiỹa dajo la'qaatec

Miqueas 6:1

Ñaq na'xaỹaxañiỹa dá'maq 'naac nagui ñi qara'gaxala': “¡Ne'laxachirishiguim, ca' lli're'oguiyi dá'maq 'ñi'sari' quena leseeque'ta ana qa' ladocai, chaqai qaiyi 'qaasapega qami' naua quemaralgoto!”