Jeremías 2:3 - La'qaatqa ñi qota'olec Qota'olec & Qota'olec Novita Na Qomyipi

³ Na Israel ỹaatqajam nañaanto'ot aỹim na'le, yi'maxare yí'maq paguec loyac ỹanecsec ala. Quena' 'ue yi sham na'axat, ca' ỹim souaxan, taalec nqaishin da le'xoric, ỹim na'gaxala' qota'olec, se'taxajñi da ỹa'qaatec.

Jeremías 2:3 Iomraidhean Croise

Éxodo 23:16

Qai'neeta 'viichi' nemaqachic ma' ỹovire'oga ca laloqo' quiyim naqachi' ca ala 'auaxaic ca qadañicshiguii ca ñi'riñi quecá'maq na'laua'e'. Qaican ỹapaguec ma' qataxañi' ma' ime ca ñaaxa ma' ime naqachi' ca la cá'ogue cá'maq qadañicshiqui'.

Isaías 41:11

Ná'ogue ná'maq qami' loquiiaxat, nayiloxon ma'le chaqai nemanachit; ná'maq reloquiñi'sac nagui, ná'ogue nimiichiguiñi ma'le.

Jeremías 2:4

Ná'maq chigoxougui so Jacob, liỹa leenaxat Israel, ná'maq lalamaxaret llaalqaipi so'maxare, ñaq na'xaỹaxañiỹa da la'qaatec ñi qara'gaxala'.

Joel 1:3

'Qaataxañiỹalo naua qachaalaxahi quedajo chaqai caua'maxare ra'qaataxanalo caua llaalqa, chaqai cauá'maq llaalqa ra'qaataxanalo cauá'maq dalaxaic ne'qa'iñi ma'le.

Amós 6:1

¡'Xoraicolec ná'maq chaqai 'na'guesa' da nachaalataxac quiyi Sión! ¡'Xoraicolec ná'maq 'neetapigui lauel qaica ca qohinegue yi Samaria, ná'maq lashillipi yí'maq 'laua paguec da lemaqachic, ná'maq i'guena na llaalqaipi so Israel!

Zacarías 1:15

Vichiguiño' nqo'neuec da ỹonogoxonaxac quená'maq ỹoreta'oguit qomyipi qaica ca huapigui lauel, ma' na' so'ootari', ca na'maxare rotaanaxan quiyim nqo'naxatec da se no'uen.

Zacarías 2:8

Ñi qara'gaxala' sqaica lqalanec yila', yilarelec da la'qaatec quiyim npa'guene'e' ná'ogue ná'maq ỹoreta'oguit qomyipi quená'maq rouootaxana'gue ca rouenaxahipi, 'naac: Canchaqaica se ỹa'maxata'gue na ỹalamaxareteripi, se ỹa'maxata'gue ná'maq ỹauochaqateripi. Vichiguiño', ca' ỹim ñco'ỹa'e' ná'ogue ná'maq ỹoreta'oguit qomyipi, ca so'uet quiyim ná'maq chi la'aquipi rouootaxana'gue na louenqaipi. Ca' chaqaida 'neeta ma' ỹachaxan ma'le da lauaq ñí'maq qara'gaxala' sqaica lqalanec, qaiyi qamiri 'yiiñii ma'le quiyim chaqaiñi ñí'maq yila'. (2.10-13 Qaiuana da lca'laqataxanaxac ñi qota'olec.)

Romanos 11:16

Ma' cá'maq 'auaxaic pan chicqochigui aca naqaulata, quiyim mashic qoỹaanot ñi qota'a, ca qai'neeta cá'ogue ca naqaulatec lalamaxaret ñi'maxare. Chaqai cauá'maq lpa'yii aca qo'paq, quiyim mashic qoỹaanot ñi qota'a, ca' qai'neeta ná'ogue na lasotellipi lalamaxarete ñi'maxare.

Romanos 16:5

Qai'neeta selata da iquinaxanaxac ca qarqaỹaripi lo'ueenaxanqa' quen yi la'a' aca Priscila chaqai ca Aquila. Iquinaxanaxac queca ñauochaxaua Epeneto cá'maq 'auaxaic huelec so Cristo quiyi Acaya.

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.