Jeremías 2:2 - La'qaatqa ñi qota'olec Qota'olec & Qota'olec Novita Na Qomyipi

² Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Jeremías 2:2 Iomraidhean Croise

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Proverbios 1:20

Quenaua nayico chaqai quenaua lapooqote' na qom qara'xaỹaque da lelamaxa da na'deenaxanaxa;

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Jeremías 19:2

Ime, ca' quirepegue' yi ca'megue leenaxat Ben-hinom, naloote'oga ñi lasom qaỹamata'gue loma' ana no'xona lahillipi. Ca 'xachi' ma'le dá'maq ỹa'qaatec shiñirapegaxaua'.

Jeremías 2:1

Ñi qara'gaxala' ỹaatqajam ỹalamaxachichigui aỹim, ca 'naapiguiỹa':

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Jeremías 7:2

—Vi'sa'guit ñi ñigo quiñi lo'ueenaxanaxaqui ñi qara'gaxala', ca 'deenaxanaxañitegue da ỹa'qaatec: ná'ogue ná'maq neetalec na Judá quená'maq taatapougui na lasom nqouagaxainot ñi'maxare, na'xaỹaxañiỹa dajo la'qaatec

Ezequiel 16:22

Ca' queda qaica nqo'ta no'ueenataxaqui' ma' qami' nedequenaxai, ca' tot no'viñitegue dá'maq 'ñi'sari' quen na' ñaqai ñi'sauec quen chaxasoxoñi'sac vi'sañigui ca reuoripi'i'.

Ezequiel 16:60

Qam ỹim se sa'laxate ma'le da qana'deenaxac na' ñaqai qami' nequetegaxai, ca' so'uet ma'le caqami' ca qana'deenaxac, qam sqaica lqodoc.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Oseas 11:1

Ca na' ñaqai 'ec ñaaqaipioqui' so llaalqaipi so Israel, ca ỹim se'xorentac; ca so'maxare, ma' ỹaalec, ca' soỹaxana'a quiyi Egipto.

Oseas 2:15

Ca ma' ime, ca' sopilaxatem na lanaxanqa' 'uva loma', ca' yi ca'megue ne'xoyaqa' ñigui nqaishin quiyim chicqochigui ma'le ca naquitaxac añi'maxare. Ca' quiyi ma'le, ca' saachiguit aỹim 'nejem cá'maq na' ñaqai nogot, 'nejem cajo na'xa'a na' ca'e yi Egipto.

Oseas 2:17

Ca totqai naugui ma'le na qadapi' na leenqateripi na nashiilqaipi, ca' tot qaica ma' liỹa quet 'xachi'sac.

Oseas 2:7

Que'uegue ma'le ná'maq nqo'ta añi'maxare, qam se ỹovirelec; 'xoic da limiitaxanaxac ma'le, idaantaque, qam se ỹanata. Ca ma'le, ca 'naac: Sopila ca 'auaxaic ỹoua, ma' queca'maxare paguec ya'maqachiguiñi na'le quenagui.

Jonás 1:2

—Mo'e', quirepegue' yi chalego lecaic na'a' Nínive. Ca' 'ñirapega quiyim sqaỹaloq sopoxoỹaxachigui, ma' ỹaatqajam ỹoviraỹot quiyim sa'den da se no'uen ỹo'ueetetac.

Mateo 11:15

Ca cá'maq ỹa'den da na'xaỹaxanaxac, ca no'uen quiyim ỹa'maxate'tegue da na'xaỹaxanaxac.

Lucas 12:13

Ca 'uo' so ỹale hueetañigui so qomyipi 'naapego' so Jesús: —Qami' napaxaguinataxanaq, 'ñirapega ñi ỹaqaỹa quiyim ỹasectaqchigui da nesallaxa no'ueenaqto'oto qomi' na'le so qareta'a.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

Apocalipsis 2:4

Qam ỹim 'ue dá'maq se sa'maxaren caqami', ma' mashic tot qaica só'maq ỹaatqajam 'auaxaic re'xorenataxanaxa'e'.