Jeremías 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 2:13 Iomraidhean Croise

2 Reyes 22:17

Ma' na'maxare yalat na'le, ca ỹavigaxatetac na lichiinaxanaxat quiyim ỹaantacot na nashiilec nqolaquipi, ca' ỹaatqajam yo'ooqochit quená'ogue ná'maq ỹo'ueetetac. Ca vichiguiño' 'eco' ỹachipina'a da ỹonogoxonaxac quenajo 'laua, ca da'maxare qaica ca nemanñi nqai'en.

Salmos 36:9

ma' chaqaiqami' chicqotacot da nca'laxa, chaqai queda rauaqe', ca' seuanaxa quiyim richiichiguiñi.

Eclesiastés 1:14

Ca' yitan quiyim ná'ogue ná'maq qaỹo'ueetetac quena 'laua, qaica quet cá'maq 'negue, 'ec qaỹahotaque neconecsec na nonot.

Eclesiastés 12:8

Ma' ỹim netaxaỹaq sopilaxateta'gue: ¡Qaica quet cá'maq 'negue, qaica quet cá'maq 'negue! ¡Ná'ogue qaica quet cá'maq 'negue!

Eclesiastés 2:11

Ime, ca' sa'ajan dá'maq chi ỹo'ueenataxanaxac, chaqai dá'maq idaxac na' so'ueetetac. Ca na'le, ca' yitan quiyim ná'ogue qaica quet cá'maq 'negue, 'ec sahotaque iconecsec na nonot, chaqai quiyim qaica quet cá'maq 'negue quenajo 'laua.

Eclesiastés 2:21

ma' mashic 'ue ná'maq ỹomatalec da la'deenaxanaxa chaqai da lquesaxanaxa quená'maq ỹo'uet, ca' ỹaanot cá'maq se ro'ueenataxan, ca' dá'ogue ỹomatalec ca'maxare. ¡Ca' dajo qai'neeta quiyim qaica quet cá'maq 'negue chaqai ỹaatqajam se no'uen!

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Isaías 1:3

Ca ñii'lola no'uenegue ca na'co' chaqai ca 'ashin ỹa'den ca nqui'ỹaxanatqo'; qam ná'maq ỹalamaxaret llaalqaipi so Israel se ỹa'deenaỹa' chaqai qaica ca la'deenataxanaxac.

Isaías 1:4

¡'Xoraiquipiolec na qom sauaqhuaic, no'qaachigui quena se ỹa'maxañi, chigoxougui só'maq ỹo'ueetetac da se no'uen, ñaalqaipi hualoxonyipi! Mashic noỹootec quiñi qara'gaxala', mashic nasectec quiñi co'teeta qota'olec queso Israel, ỹaatqajam ca'e.

Isaías 5:13

Ca' chaqaida dá'maq quiyim se na'xaỹaxan, ca na ỹalamaxareteripi na'ac ma'le, ỹoqa'a ca qaỹaueguegue 'laua. Ná'ogue liỹaatau'e' na lashillipi nilliviñi ma'le quena lqopaaxa chaqai quena laquip.

Isaías 55:2

¿Chi'negue ma' 'ỹaañitapegueu'a na qadamii cá'maq se na'ic? ¿Chi'negue ma' 'ỹaañitapegueu'a aca raviguii cá'maq se nquemategue? Na'xaỹaxañii'ta aỹim, ca a'guii ma'le ca no'uen na'ic, 'guii ma'le ná'maq 'ue na lo'daxa.

Jeremías 1:16

Dajo dá'maq nouaxanaxaset so'uet ma'le sauaxat da lasauaxaset, ma' yalat ca'e aỹim na' copata'a na lichiinaxanaxat chaqai ỹa'dooto naua le'cootal na 'naac qota'olqaipi, chi lo'ueenatec yi'maxare.

Jeremías 14:3

Na nesallaxanqaipi ila' na la'aquipi quiyim ri'llivi; ca na'maxare quepegue' ana ni'ỹa, qam qaica ca li'llivioxot, co'chiichiguilo naua nehomal quena' rapil; qaỹachiguiñi chaqai 'xoic na layiloxo, ca' chi ỹapogui na lqahic.

Jeremías 19:4

Ma' na llaalqaipi so Israel ca'e aỹim, ca' ñigui quiyim 'ec ỹoqa'a najo 'laua; quenajo, ca ỹo'uet ca lichiinaxanaxat quena ỹoqa'a 'naac qota'olqaipi, qam se iuanapega, vire'ta so 'auaxaic leta'allipi chaqai na nashillipi quena Judá, ca no'xataxajlec quena leuoripi na qomyipi qaica ca lasauaxaset.

Jeremías 2:11

quiyim na mesqai judioipi se ỹadalaxat ca 'naac qota'olqaipi. ¡Quená'maq qota'olqaipi qaica ca 'negue! Qam na ỹalamaxareteripi ca'e aỹim quiyim aỹim lquesaxanaxa, ca' quegue na nadenqatec nqolac qaica ca 'negue.

Jeremías 4:22

Na ỹalamaxaret ỹaatqajam se nouoogoñi, se no'uenegue aỹim —'naac ñi qara'gaxala'—. Ỹaatqajam ñaalqaipi se na'maxat, ma' ỹaatqajam se retanaxan. Ỹaatqajam ỹa'den quiyim ỹo'uet na se no'uen, qam se ỹa'den ỹo'uet ca ỹa'maqachiguiñi.

Ezequiel 47:1

Na' ime, ca' so ỹale yopilaxata ñi ñigo quiñi no'ueenaxanaxaqui. Ca seuane'ta quiyim ñi lasom chicqotapi'ñot na huaxaỹaq, taata'pegue da lqodoigue quedá'maq reloqota'gue ñi no'ueenaxanaxaqui. Ca' na huaxaỹaq pa'aata'gue da loic ñi no'ueenaxanaxaqui, pa'aata'gue da 'guiñi cada ncopatoxonaxalate.

Miqueas 2:8

Ca' ñi qara'gaxala' 'naac: Qamiri napaguiiteguelec na ỹalamaxareteripi. Coñiỹalo naua loho lo'yaxanqa ná'maq rapil queca lauataq 'neetapega mashic nca'leuec.

Miqueas 6:3

'Neetasa' da la'qaatec ñi qara'gaxala': Vii ca 'ñiỹac, qamiri ỹalamaxarete', ¿negue' cá'maq se no'uen so'uet caqamiri, loqo'm negue' ca hua'co' na' sqai saxañiỹac?

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 4:11

Ca' aso 'aalo 'naaco': —Qami' ỹa'gaxala', vire'ta qaica ca re'maxasoxonaqchi' quiyim naviquirishiguim ca huaxaỹaq, chaqai aná'maq ni'ỹa qoỹoqochi'ñigui. Ca ¿nega'ỹo' ca chigoxochira'gue ca huaxaỹaq se neme ne'paxantashiguim quiyim nañaañi'?

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 7:37

Ca quesó'maq co'uaataxanaxaic na'xa'a queso nemaqachic, ca ỹaatqajam pagueco' quen da nemaqajnataxanaxa. Ca' quesojo na'xa'a nachajñi so Jesús ỹaatqajam nelamaxaren na' retaqa, 'naaco': —No'm 'ue ca iuet laquip, ca nacpegue' aỹim, ca' ne'et.

2 Pedro 2:17

Najo qomyipi 'ec aca ni'ỹa rashivigui tot qaica ca le'ec huaxaỹaq, chaqai 'ec ca naueguelec chi qaỹaỹoxonaxateta quena nonot. Chaqai taata'a nqohin quiyim qaillaugui cá'maq ỹaatqajam napalaxa sqaica lqodoc.

Apocalipsis 21:6

Na' ime, ca 'naac caỹim: —Ná'ogue mashic ime. Ỹim ná'maq ỹim 'auaxaic chaqai spa'aatec. Ca cá'maq iuet ca laquip, ca' ñi'taxañigui ca ne'paxantashiguim huaxaỹaq chicqaugui da nca'laxa, qaca aca laseuete.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.