Jeremías 19:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' na llaalqaipi so Israel ca'e aỹim, ca' ñigui quiyim 'ec ỹoqa'a najo 'laua; quenajo, ca ỹo'uet ca lichiinaxanaxat quena ỹoqa'a 'naac qota'olqaipi, qam se iuanapega, vire'ta so 'auaxaic leta'allipi chaqai na nashillipi quena Judá, ca no'xataxajlec quena leuoripi na qomyipi qaica ca lasauaxaset.

Jeremías 19:4 Iomraidhean Croise

2 Reyes 23:10

So Josías na'axat qai'neeta so navicqataxanaxala' na'ñi so ca'megue quiyi Ben-hinom, qaiyi qaica ca ỹavigaxat ca llaalec loqo'm aca llaale, ca' ỹaanot so nashiilec Moloc.

2 Reyes 24:4

chaqai sauaxat so lalauatqaipi qaica ca ỹasauaxat, ỹocoraxata'pe saua leuo' quiyi Jerusalén. Ca vichiguiño' ñi qara'gaxala' tot ishit quiyim se ỹa'ue ca nouaxanaxaset.

Isaías 59:7

naua lichil ta'chiguita quiyim ỹo'uet ca se no'uen, 'ue da lquipitqachic quiyim ỹocoraxata'pe caua leuo' ca qaica ca lasauaxaset. Ỹa'deentaque ca lalauataxanaxac, ca quecá'maq que'tegue, ca' nopoxoỹaxajñi chaqai na'laxatañi.

Jeremías 1:16

Dajo dá'maq nouaxanaxaset so'uet ma'le sauaxat da lasauaxaset, ma' yalat ca'e aỹim na' copata'a na lichiinaxanaxat chaqai ỹa'dooto naua le'cootal na 'naac qota'olqaipi, chi lo'ueenatec yi'maxare.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 22:17

Qam qami' qaidaata 'yiiñisapega na ỹoqa'a nauegue; 'viichi' quiyim qaỹalauat ca qaica ca lasauaxaset, chaqai pataqairiñi chi'segueñi na qomyipi.

Jeremías 26:15

Qam 'yiiñitari' ma'le dajo, no'm yalauachii, qamiri ñiỹa'ñi najo na'a' lodegaxat, ca' 'ue ca rasauaxashichii, ma' yalauachii qaica ca sasauaxat; ma' ỹaatqajam lliqueta quiyim ñi qara'gaxala' chaqaiñi ñí'maq yila' quiyim sa'xatema qamiri dá'maq 'xahitapega nagui.

Jeremías 26:23

Ca saua'maxare ne'xate' so Urías queda Egipto, ca' qoỹaanem so nashi Joacim, ca so'maxare relaataxanlec quiyim qaỹalauat, ca' so loshicmaxa qaillaañigui aso napal lahi', qaỹalecqajnougui na 'xoraiquipi.

Jeremías 44:3

sauaxat dá'maq se no'uen ỹo'ueetetac. Ma' yo'ooqochit na' ỹa'deetacoto naua le'cootal na 'naac qota'olqaipi chaqai ỹaantacot na lichiinaxanaxat. Na'maxare nashiilqaipi, qam sqa taỹapegueu'a so qomyipi chaqai qamiri chaqai so 'auaxaic qataa'illipi.

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Ezequiel 8:11

Ca' setenta so qo'xoiquipi llaalqaipi so Israel nqouagaxaintacot so nashiilqaipi, ca' queso qomyipi ỹalequetaugui so llaalec so Safán, leenaxat Jaazanías. Sá'ogue quiñi 'óna lo'qoota'a na lichiinaxanaxat, ca' so'maxare chicqaugui so lecaugui lesalaxaripi so lichiinaxanaxat.

Lucas 11:50

Ca' najo qomyipi hueetaugui nagui, ñi qota'olec ro'laxana'pegue' ma'le ná'ogue na leuoripi só'maq la'qaataxanqajanqaipi shi'gue qaỹalauat, chicqochi'ñi nqai'en na' ñaqai chita'gue qaỹo'uet na 'laua.

Deuteronomio 13:6

Ca no'm ca ỹaatqajam ralamaxarichi' rqaỹa'e', loqo'm ca qachaalqui', loqo'm aca qachaalli'i', loqo'm aca rqo'itqachi'i' roua'e', loqo'm ca nauochaxaua'e' riỹa'e' quiyim nemootetacot qami' quiyim nqouagaxaiñitot ca nadenqatec nqolac sqai huañirapega chaqai saua 'auaxaqa qata'alli',

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.