Jeremías 19:13 - La'qaatqa ñi qota'olec Qota'olec & Qota'olec Novita Na Qomyipi

¹³ Na 'imqaipi quena Jerusalén chaqai na lauo' lodegaxat na lashillipi yi Judá yí'maq hua'ñi quena' qaỹo'uet na nichiinaxanaxat, qoỹaanot na neeto'ot na piguim chaqai ỹocoraxatetac na lachitaxanataxanaxat lataxa quena liỹa 'neetapega qota'olec, ca' ná'ogue qohinta'gue ca napio'o, 'nejem yi Tofet.

Jeremías 19:13 Iomraidhean Croise

2 Reyes 17:16

Ỹaxanñi ná'ogue na lelaataxanaxaquipi ñi la'gaxala' qota'olec. Ca' icaxajñi na bronce, ca' ỹo'ueete' saua dos huaqui llaalqa ỹauaapigui lashiilqa chaqai so lqui'i aso Asera. Chaqai qai'neeta nqouagaxaintacot ná'ogue na 'ue na lauaq neeto'ot na piguim chaqai so nashiilec Baal.

2 Reyes 23:10

So Josías na'axat qai'neeta so navicqataxanaxala' na'ñi so ca'megue quiyi Ben-hinom, qaiyi qaica ca ỹavigaxat ca llaalec loqo'm aca llaale, ca' ỹaanot so nashiilec Moloc.

2 Reyes 23:12

Chaqai ỹosogui qai'neeta aso lcopatoxonaxalate no'xonshiguim so nashillipi quiyi Judá, qaipa'xanashiguim quiñi lauo' so Acaz, chaqai aso lcopatoxonaxalate so Manasés só'maq no'xonshiguim na'le, ỹanalec so nasoxoc añi no'ueenaxanaxaqui quiñi qara'gaxala'. Ỹopoxoỹaxachigui, ca inaxañigui so ñaachi Cedrón.

2 Reyes 23:14

Chaqai ỹopoxoỹaxachigui so qaripi chaqai so qo'paripi na'ñi naua qouagaxainqate'. Ca' iỹoxolec quena qom lpi'naqaipi quená'maq na'ño' na'le.

Salmos 74:7

Ime, ca' qaicopata'a yi romachi'; ime, ca' ¡i'naari' yi ra'aachi', ca' ỹamaxañi!

Jeremías 19:12

Ca' chaqaida shine'tegue ma'le quena na'a' lodegaxat chaqai ná'maq qomyipi neetaugui na'maxare. Shine'tegue dá'maq 'neeta na'le queso Tofet. Ỹim na'gaxala', se'taxajñi da ỹa'qaatec.

Jeremías 44:18

Qam na' saxanaxañi quiyim sahoqe na qarichiinaxanaxat chaqai na qarachitaxanataxanaxat lataxa cañi qarashiila lashi na piguim, ca' qaica ná'ogue coqomi', chaqai na qouo' ỹalauat na lqopaaxa loqo'm ileu quena lauataq.

Hechos 10:9

Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

Hechos 7:42

Ca' quiyi, ca ñi qota'olec noỹootec queso qomyipi, ca ỹaxanegue quiyim ỹashiilatac nanchaqaina huo'ot na piguim. Qam chaqaida dá'maq 'au naneretañi quesauá'maq 'auaxaqa la'qaataxanqajanqa ñi qota'a, na' 'nerac: Qamiri Israel laseripi, quesauajo cuarenta ñaxari na' viita'ñi yi 'laua qaica qom, ¿'uo' ca qalohi lauachii, ca 'ỹaañiỹot aỹim quiyim rachitaxanataxanaxachii?