Jeremías 19:1 - La'qaatqa ñi qota'olec Qota'olec & Qota'olec Novita Na Qomyipi

¹ Ñi qara'gaxala' qota'olec 'naac caỹim: Mo'e', shiujnaxañiraque aca nehoma 'laua, ca' vite caua ỹaxañitalo qo'xoiqa quena na'a' lodegaxat chaqai caua ñaaua'pe netaxaỹaxanqajanqa.

Jeremías 19:1 Iomraidhean Croise

2 Reyes 19:2

Ca' ila' so Eliaquim só'maq neloxoỹaq quiñi 'imec lodegaxat, chaqai so neraxanaq Sebna, chaqai só'maq netaxaỹaxanqajnec paguec qo'xoic, ỹansañi saua noho nachicoxoqui' paguec da nqui'ic, querepegue' so qota'olec letaxaỹaxaqui Isaías só'maq llaalec so Amoz,

Isaías 30:14

ropoqoguilo nqohine' qamiri ma'le 'ec aca nehoma 'laua, quena' ropoqogui, ca' lahiletajlec, ỹaatqajam ropoqotam, ca se ỹa'maxañi quiyim qaỹouen ca laỹooqui' quiyim qaillaalec aca norec lpoqo, loqo'm qane'maxashiguim ca huaxaỹaq caca ni'ỹa.

Jeremías 26:17

Ca' 'vii saua qo'xoiqa ne'laxachishiguim, ca 'nerapega so qomyipi hueete'eyi lapoota'ta':

Ezequiel 4:1

Ca' qami' ỹale, coñita ca losoc toquichigui, ca 'chirelec, 'viichi' yi na'a' Jerusalén.

Ezequiel 5:1

Ñi qara'gaxala' 'naac caỹim: Nagui qami' ỹale, coñita meca lecat ỹaxaraic, da llaaxa 'ec na petegaxat, ca' nipichiqui' na nqahiqui' chaqai naua raqarivii'. Ime, ca' coñita aca nesallaqataxanaxaqui, ca huagaxachirigui na qavi'i', tres ncoñiita nqai'ñi'.

Mateo 26:3

Ca' quesojo na'xa'a, ca' so lashillipi so netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi, chaqai na judioipi qo'xoiquipi, lapoỹata' quiyi nasoxoc yi la'a' so Caifás, lashi so netaxaỹaxanqajanqaipi.

Mateo 27:1

Ca co'na' richiguiñi, ca sá'ogue so lashi na netaxaỹaxanqajanqaipi chaqai so lqo'xonqaipi na judioipi mashic na'deenta' quiyim ỹa'ue ca la'maqa' quiyim qaỹalauat so Jesús.

Hechos 21:11

Nouoỹalo qomi'. Ca ỹacona so nosaataxaqui so Pablo, ca coñite' naua lichil chaqai naua laua' queso'maxare. Ca 'naaco': —Da la'qaataxanaxac so Espíritu Santo 'naac na judioipi quiyi Jerusalén 'ne'tegueda nqai'en ca ncoñiitaxac cá'maq looỹac nataq saataxaqui. Ime, ca' qoỹaano, qoỹaanem na sqai judioipi.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.