Jeremías 18:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam cajo qomyipi, no'm ỹaxanñi da ỹo'ueetetac se no'uen, ca' se selata ca nouaxanaxaset sa'maxatetañi.

Jeremías 18:8 Iomraidhean Croise

Salmos 90:13

¡Qami' qara'gaxala', rapillitalo qomi'! ¿Chi' laquio', ca novichi'? ¡Ñaq rqouaquiteguelo qomi', qomi' relaataxahi'!

Jeremías 26:13

No'ueenaxachii da ra'deenataxanaxaguii chaqai da ro'ueenataxanaxaguii, na'xaỹaxañiỹa ñi qara'gaxala' qota'olec, ca' ñi'maxare se ilatalo qamiri ma'le ca re'xoriguii ỹa'xateta'guit.

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Jeremías 26:3

Sqoue na'xaỹaxana qami', ca' ỹaxañiñi naua se no'viiñi, ca' ỹim se sepacqajñigui ca nouaxanaxaset dá'maq sahotaque so'uet, sauaxate' naua se no'viiñi lo'ueenataxanaxaco.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Jeremías 42:10

No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Ezequiel 18:21

Chaqai ca hualoxonaq, no'm ỹaxanñi dá'maq se no'uen ỹo'ueetetac, ca ipacqajanchiguilo naua'que naua ỹaqataxaco chaqai ỹo'uet cá'maq ỹa'maqachiguiñi, ca' ỹaatqajam lliqueta nca'leuec, ca' se ileu.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Jueces 2:18

Ca co'quena' ñi qara'gaxala' ỹanashiguim ca nashi, ca' ỹaatqajam ỹotauan. Ca co'quena' ñaq nca'leetauec ca nashi, ca' ỹotauan so Israel llaalqaipi quena npa'guenaxauaripi, ma' i'xoreno' quen quena' 'xaỹa da nqui'ic queso'maxare.