Jeremías 18:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' 'ñirapega na qomyipi quena 'laua Judá chaqai na neeta'ñi na Jerusalén quiyim ỹim na'gaxala' shinac dajo: Sahotaque ca la'maqa' quiyim ñpa'guento qamiri; sahotaque so'uet ca nouaxanaxashichii. Chaqa'ma' 'xañiñi da se no'uen ra'deenataxanaxaguii; ca no'ueenaxachii da 'ñiitari' chaqai da ro'ueenataxanaxaguii.

Jeremías 18:11 Iomraidhean Croise

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

1 Reyes 22:23

Ca nagui, ca 'yiiñi' quiyim ñi qota'olec ỹa'maxarenta quiyim so na'maachic hueetaugui ná'ogue na letaxaỹaxaquiripi, ma' ñi'maxare chaqai 'negue ỹo'uet quiyim na'laañi qami'.

2 Reyes 17:13

Ma' ñi qara'gaxala' shi'gue ichoxot, ỹachigoxochichigui na'le so letaxaỹaxaquiripi chaqai so 'vii naua leuanaxanaxaco, quiyim na llaalqaipi so Israel ỹaxañiñi naua se no'viiñi no'ueenataxaco, ca' quelgoto naua laqataxaco, lapaxaguinataxanaxaco ỹaanema saua 'auaxaqa qareta'al, chicqochigui nqai'en so lelaatqaipi letaxaỹaxaquiripi.

2 Reyes 22:13

—Mohi, nachii ma'le ñi qara'gaxala', nataxañilec aỹim quecá'maq shinta chaqai quená'ogue na qomyipi quena Judá quená'maq hueetalec najo lere qaiuanejlec; ma' ñi qara'gaxala' 'eco' ro'ỹalo qomi', ma' so 'auaxaic qareta'allipi se na'xaỹaxana ná'maq hueetalec anajo lere, chaqai se ỹo'uet ná'ogue ná'maq qoỹeretalec anajo lere.

2 Reyes 5:5

Ca só'maq nashi quiyi Siria 'naaco' queso'maxare: —Ỹa'maqachiguiñi, mo'e', qui', ca' ỹim so'ueeto' aca ilaata queca nashi quiyi Israel. Ca co'na'le, ca' so Naamán eec, ca ỹo'uet aso i'xat treinta mil aso lecat chicqaugui ana plata, chaqai seis mil aso lecat chicqaugui na 'oro, chaqai diez so nooỹac naloochiguiñi.

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Jeremías 19:15

Ñi qara'gaxala' qaica lqalanec, ñi qota'olec queso Israel 'naac: Ná'ogue ná'maq sa'xateta'guit nouaxanaxaset na'le, ná'ogue ñilata ma'le najo na'a' lodegaxat, chaqai ná'ogue na sqoỹoqaque qomyipi quena la'a', ma' na'maxare ỹaatqajam ỹoqa'a dá'maq 'neetari' se na'xaỹaxanalo naua ỹa'qaatqa.

Jeremías 19:3

Ca 'ñirac ma'le: Qamiri nashillipi quena 'laua Judá chaqai na na'ñi na Jerusalén, na'xaỹaxañiỹa da la'qaatec ñi qara'gaxala' qaica lqalanec, ñí'maq qota'olec queso Israel: Chalego lecaic ca ne'xoric taalec nqaishin najo 'laua, ca ná'ogue ná'maq 'ue ca la'xaỹaxac 'ec ratohichiguilo naua lque'laa lauaco.

Jeremías 26:13

No'ueenaxachii da ra'deenataxanaxaguii chaqai da ro'ueenataxanaxaguii, na'xaỹaxañiỹa ñi qara'gaxala' qota'olec, ca' ñi'maxare se ilatalo qamiri ma'le ca re'xoriguii ỹa'xateta'guit.

Jeremías 26:3

Sqoue na'xaỹaxana qami', ca' ỹaxañiñi naua se no'viiñi, ca' ỹim se sepacqajñigui ca nouaxanaxaset dá'maq sahotaque so'uet, sauaxate' naua se no'viiñi lo'ueenataxanaxaco.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Jeremías 36:7

Sqoue quiyim ỹashiila ñi qara'gaxala' chaqai ỹaxanñi da se no'uen lo'ueenataxanaxac ma' chalego lecaic dá'maq lonogoxonaxac ñi qara'gaxala' quiyim ỹadentalec na'maxare.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Jeremías 4:23

Seuana na 'laua quiyim qaica ca qom nelec chaqai qaica cá'maq ỹaatqajam no'ueenataxac; ya'ishiguim quena piguim qaica ca 'ue ca lauaq.

Jeremías 4:6

Nanorishiguim aca netana ỹiqueta'gue nqai'ñii da Sión; ¡daañiỹaque ca nañoqotqari, se nomiiñitari'! Ma' sachigoxota'gue ma'le da rapiguim da chalego ne'xoric chaqai da nasouaxac.

Jeremías 7:3

ñi qara'gaxala' qaica lqalanec ñí'maq qota'olec queso Israel: No'ueenaxachii da nachaalataxaguii chaqai dá'maq ro'ueenataxanaxaguii, ca' ỹim queeta nqaishin quiyim rca'lliitauec quenajo 'laua.

Ezequiel 18:23

Ỹim se yqo'ta quiyim ileu ca hualoxonaq, ta'ta'a quiyim netogochigui lauel, na'maxateta, qaiyi nca'leuec. Ỹim na'gaxala', se'taxajñi da ỹa'qaatec.

Jonás 3:8

Ta'ta'a quiyim ñiiñi na nooỹac nachicoxoqui re'qoota nqai'ñii da rachicoxohi, chaqai ná'ogue nqouagaxainot ñi qota'olec machii'ot ná'ogue na rquesaxanaxahi, chaqai ná'ogue ỹaxanñi na loic se no'uen, chaqai quiyim se ra'maqataxan dá'maq ỹo'ueetetaco' quen chi ỹovireta'a nagui.

Miqueas 2:3

Vichiguiño' 'naac ñi qara'gaxala': Ỹim liỹa 'ue dá'maq sham shine'teguelo qamiri. Selatalo qamiri ma'le ca ne'xoric lodegaxat cá'maq sqai ỹite' ma'le naua rqosoochiri, ca' tot qaica ma'le da nemaqajnaxaguii quiyi huoitegueri', ma' chalego la'aaqa' ma'le naua na'xata'.

Hechos 26:20

Ta'ta'a quiyim sa'auaxanchiguiñi saanougui da na'qaatec yi na'ñi yi Damasco, ime, ca qalam yi na'ñi yi Jerusalén, chaqai yá'ogue yi 'laua Judea, chaqai qai'neeta na mesqai judioipi. Shintapega quiyim ỹalate' naua lanatqa, ca quelec ñi qota'a, ỹo'uet da lo'yaxanec no'ueenataxanaxac, qam re'qoota nqai'en ca nadalqataxac.

Santiago 4:13

Ca' nagui na'xaỹaxañiỹa da shinac, ma' qamiri quen ná'maq 'ñiỹac: “Nagui loqo'm nete'e saxaquerajo qolaqpegue' yi na'a' loqo'm yi liỹa. Ca ma' sovitaxa, ca senqa'ño'yi 'óna ñaaxa, sahoqe ca qaremeenec, qaiyi 'ue aca qarauegue.”

Santiago 5:1

¡Qamiri nesallaxanqaipi, ñaq na'xaỹaxañiỹa da ỹa'qaatec! Nohiñii chaqai naualaxaiñii quedá'maq naata'alo qamiri chalego lecaic re'xoriguii.