Jeremías 17:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ 'Viichi' ca ne'naxac ná'maq se yayaxanac, qam mesqai 'viichi' ca ñi'naxac; quiyim na'maxare no'chi nqai'ñi', qam ỹim se yo'chi. Vite quiyim taalec nqai'ñi' ca le'xoric, ná'ogue na'lliichiguiñi nqai'ñi', qaica 'nejem ca le'xoric nqai'ñi'. (17.19-27 Se qanapacalec yi na'xa'a co'mataxaqui.)

Jeremías 17:18 Iomraidhean Croise

Salmos 71:1

Qami' ỹa'gaxala', se'guenot qami', ca 'ootaxañirelec aỹim, 'neeto' pi'it nqai'ñi' aỹim.

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 17:16

Qam ỹim qaica ca ipagaxallic quiyim vite ca le'xoric chaqai se sashiilaxantaque ca se no'uen quena qomyipi. Ca' qami' ỹaatqajam 'yiiñite' dá'maq sa'xat, ma' ỹim se ñañoxotetañi caqami' quena' 'ue dá'maq sa'xat.

Jeremías 20:11

Qam qami' ỹa'gaxala', viisau'e na ỹahi, 'ñiisari' ca qaican ishit nalauataxai, ná'maq yocantegueñi huaañi ma'le, qam se ishit yaqajñi; se ipaguelec dá'maq 'neesa'pegue, ca' 'ue da layilqo' ma'le, se neme quiyim hueetapigui lauel quiyim na qomyipi se lauela.

Apocalipsis 18:6

Pilaxachilec yi'maxare cá'maq 'nejmo' na'le ca ỹaanem ca liỹa. Ỹapacauec nqai'ñii cá'maq pilaxachilec quecá'maq ỹo'uet. Chaqai lecqajñiỹata' ca 'taxat, ca' ne'taxañigui, paguec lquesaxanaxa nqai'ñii quecá'maq chi ỹalecqajanta' yi'maxare quiyim ne'taxañigui ca liỹa.