Jeremías 17:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Yomachirec, qami' ỹa'gaxala', ca' yimeuec ma'le; yca'laxachirec, ca' yca'leuec ma'le, ma' ỹim qaqamite' semaqachiñi'.

Jeremías 17:14 Iomraidhean Croise

Salmos 148:14

¡Ñi'maxare ỹaanem da lquesaxanaxa na lalamaxareteripi qomyipi! ¡'Ue da lemaqajnataxanaxa ná'ogue na qamaxaraiquipi quená'maq llaalqaipi so Israel, lalamaxareteripi sqoỹoqaque! ¡Qaimaqachin ñi qara'gaxala' qota'olec!

Salmos 6:2

Qami' ỹa'gaxala', yi'xoriñi', ma' ñauate'e quiyim qaica ca ỹa'ñaxac. Qami' ỹa'gaxala', rapilaxachi' ca ỹa'maxa, ma' ná'ogue na ỹoshicmaxa i'loxol.

Salmos 6:3

¡Mashic yi'loxoltari' quena iqolonaxa! Ca' qami' ỹa'gaxala', ¿laquio' chi novichi'?

Salmos 6:4

Qami' ỹa'gaxala', na'itquena, ¡nca'laxachirec da ñachaalataxac! ¡Yca'laxachirec queda re'xorenataxanaxa'e'!

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Jeremías 15:20

Ỹim so'uet ma'le quiyim quenajo qomyipi 'ñiisari' ca nquepaqataxanaxat bronce qaican que'guenalec. Qoyiga'a qami' quiyim qanalauate'e', qam se qarishichi', ma' ỹim sento'ot aqami' quiyim ñca'laxachirec chaqai so'ootaxanlec qami'. Ỹim ná'maq ỹim na'gaxala', saanec dajo ỹa'qaatec.

Mateo 14:30

Qam na' ỹa'deene'ta da lquesaxanaxa so nonot, ca' 'ue da lqolonaxa. Ca co'na' sham iyinñi, ca' ỹaualqo': —¡Qami' ỹa'gaxala', yca'laxachirec!

Mateo 8:25

Ca co'na'le, ca saua lapaxaguinatqa querepegue', ca nqo'xone', ca 'nerapego': —Qami' qara'gaxala', qarca'laxachirec, ma' sham iyiñiñi qomi'.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,