Jeremías 15:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ ¿Chi'negue ma' na nqui'ic se neme caỹim? ¿Chi'negue ma' na icoñiraxa qaican nataren, se nqo'chiguit ná'ogue na natarenaxanaxat? Qami' 'ñiisari' caỹim ca huaxaỹaq choxonataxanaxai 'ec quena' 'ue na qachilli'.

Jeremías 15:18 Iomraidhean Croise

Job 14:11

Ca' na huaxaỹaq caso huaaxai ishit quiguiñi, chaqai na lachiuguellipi ishit quiyim 'im;

Salmos 6:3

¡Mashic yi'loxoltari' quena iqolonaxa! Ca' qami' ỹa'gaxala', ¿laquio' chi novichi'?

Jeremías 14:3

Na nesallaxanqaipi ila' na la'aquipi quiyim ri'llivi; ca na'maxare quepegue' ana ni'ỹa, qam qaica ca li'llivioxot, co'chiichiguilo naua nehomal quena' rapil; qaỹachiguiñi chaqai 'xoic na layiloxo, ca' chi ỹapogui na lqahic.

Jeremías 20:18

¿Chi'neco' ma' ñinoxonec quena lauel aso ỹate'e? ¿Peeta'a qaidaata seuana da nqui'ic chaqai da ne'xoric, chaqai quiyim ime da ñachaalataxac, ca' shiqueta'ñi' da ỹayiloxo? (21.1—22.12 So Jeremías ỹa'xat da la'qaatec ñi qara'gaxala' dá'maq 'neeta ma'le ca nouaxanaxaset chaqai quiyim qanomachichiguiñi. Ñi qara'gaxala' ỹa'ue ma'le ca nouaxanaxaset ná'ogue na ỹoreta'oguit qomyipi.)

Jeremías 20:7

Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Miqueas 1:9

Ma' yi lcoñiraxa yi Samaria tot qaica nataren. Da nouaxanaxaset ỹovira'oga yi Judá chaqai qai'neeta sham ỹovira'oga yi Jerusalén, yí'maq na'a' lodegaxat neeta'ñi yí'maq ỹalamaxareteripi. (1.10-16 So npa'guenaxauaripi noquiiga'a yi Israel.)