Jeremías 15:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ ¡Qami' ỹacho'ole, 'xoraicolec aỹim! ¿Chi'neco' ma' ne'qaañi nqai'ñi' aỹim? Qaỹimetam sco'ueeta'guit chaqai ñco'uaata'pegue' ná'ogue na qomyipi quena 'laua. Qaica ca sa'ualaxanaxan cana ỹam chaqai qaica ca ya'ualaxanaxan, qam qaiyiita ná'ogue ỹa'xatetac na se no'uen caỹim.

Jeremías 15:10 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Salmos 15:5

cá'maq ra'ualaxanot aca lam, se ỹahotaque quiyim paguelec aca qoỹaanem ma' qaỹopilaxat aca na'uale; cá'maq se icoñiguit quiyim qoỹaano cá'maq qaica ca lasauaxaset. Cá'maq 'neetari' dajo, qaica ma' 'ue quet ca na'xa'a huaañi.

Éxodo 22:25

Loqo'm no'm 'ue ca 'ualaxanaxañi' quená'maq ỹalamaxareteripi 'xoic ca le'xoric quená'maq neetauguilo qamiri, 'neeto' quiyim 'ñiisari' ca na'ualaxanaxala' quiyim ỹa'ue añi noquiicshiguim nqai'en caca na'uale lam.

Jeremías 15:20

Ỹim so'uet ma'le quiyim quenajo qomyipi 'ñiisari' ca nquepaqataxanaxat bronce qaican que'guenalec. Qoyiga'a qami' quiyim qanalauate'e', qam se qarishichi', ma' ỹim sento'ot aqami' quiyim ñca'laxachirec chaqai so'ootaxanlec qami'. Ỹim ná'maq ỹim na'gaxala', saanec dajo ỹa'qaatec.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Lucas 2:34

Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.