Jeremías 14:9 - La'qaatqa ñi qota'olec Qota'olec & Qota'olec Novita Na Qomyipi

⁹ ¿Chi'negue ma' 'ec se raqamqe', 'ñiisari' ca nalauataxai quiyim se rotaanaxan? Qam qami' qara'gaxala' ñi'sañiguilo qomi', ná'ogue ỹa'den quiyim qomi' ralamaxarichi'ipi; ¡totaxan qaralachi'!

Jeremías 14:9 Iomraidhean Croise

Salmos 27:9

¡Totaxan nañoxochirapeguem aỹim! ¡Totaxan 'oiraiguit, ca 'yiraiguit! ¡Qaica quet cá'maq liỹa yotauan, qaqamite'! Chaqai se yodaqajñiterec quiyim qaica ca se'guenot, ma' qami' ica'laxaqui chaqai qota'olec caỹim.

Salmos 46:5

Ñi qota'olec neetañigui lavinñi yi'maxare chaqai ro'ootaxanteguelec, ñi qota'olec ỹotauantac quena' sham richiguiñi.

Isaías 43:7

Nodo'e' ná'ogue ná'maq ỹalamaxareteripi, ná'maq ỹim so'uet chaqai sa'maxajñi, ná'maq ỹo'ueenatec quiyim yimaqachin.

Isaías 59:1

Da lquesaxanaxa ñi qara'gaxala' se naqaguiñi quiyim se ishit ca'laqataxan, chaqai mese ra'ñaagui lqahic quiyim 'ec se na'xaỹaxan.

Isaías 63:19

Qomi' shinqatari' quiyim 'ec se ỹauanapega qaratoiquiñi'sac, mashic 'eco' se ỹauanapega sa'xatqatac da qadeenaxachi'.

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Jeremías 8:19

Da laualaxac na iuo' laseripi qara'xaỹa quenaua'que naua lahil na 'laua, 'naac: “¿'Ec ñi qara'gaxala' totqai neeta'ñi na Sión? ¿'Ec totqai neeta'anyi ñi nashi?” Ca' ñi qara'gaxala' retaqa, ca 'naac: “¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi, ná'maq 'ñiitapega qota'olqaipi, qam qaica ca 'negue?”

Zacarías 2:5

Qam ñi qara'gaxala' i'taxajñi da la'qaatec: Ỹim shintari' ma'le ca nquepaqataxanaxat 'ec norec nahiquinchiguiñi yi na'a' lodegaxat Jerusalén, ca' quiyi lavinñi, ca' sachaxan da ỹauaq.

Hechos 15:17

qaiyi ná'ogue na liỹa qomyipi idaanapigui, ma' ỹim la'gaxala', chaqai ná'ogue na qom neetalec na 'laua, quená'maq sahotaque ỹalamqateripi.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Deuteronomio 23:14

Ma' ñi ra'gaxalari qota'olec ỹalequetauguilo qamiri quena nco'matqari, quepaqataxanteguelgoto qamiri, chaqai ỹo'uet quiyim qadoxoñiguii ca npa'guenaxauahi. Ca' vichiguiño' cá'maq nco'matqari ỹaatqajam co'teeta nqai'ñii, qaiyi ñi qota'olec qaica ca iuana se no'uen queca'maxare, ma' no'me', ca' noỹootec caqamiri.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.