Jeremías 14:8 - La'qaatqa ñi qota'olec Qota'olec & Qota'olec Novita Na Qomyipi

⁸ Naquiteta'a quen qami' na Israel, ma' qami' qarca'laxachirec quena' 'ue da qareuogoxo, ¿chi'neco' ma' 'ñiisari' ca ỹoqa'a quena qana'laua, 'ñiisari' ca huooxoic quiyim chi la'qa'ñina?

Jeremías 14:8 Iomraidhean Croise

Salmos 46:1

Ñi qota'olec quepaqataxanteguelgoto qomi' chaqai qarquesaxanaxa; chaqai quena' 'ue da qareuogoxo, ca' qarotauan.

Salmos 46:2

Vichiguiño' se qaro'chi 'eno'm sogui na 'laua, 'eno'm iyinñi ana quemaralec qa' ladocai quena lauajñi aso huaaxai,

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 71:5

ma' qami' ỹa'gaxala', shi'gue na' ñaqai ỹim ne'necoqui' 'ue da ipe'e caqami' quiyim qaicanqaida caỹim.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Isaías 43:11

Qaỹimeta, ỹim na'gaxala'; qaica ca liỹa ỹoqa'oga caỹim ishit ca'laqataxan.

Isaías 43:3

Ma' ỹim ná'maq ỹim ra'gaxalachi', ỹim rca'laxagui'i', ỹim co'teeta qota'olec quena llaalqaipi so Israel. Ỹim shi'gue somachigui qami', na' saanec yi Egipto, yi Etiopía chaqai yi Sabá,

Isaías 45:21

Taxahi, nodohiuo cá'maq huañichigui, taxahiỹata', no'm viitaque, ca' chaqaida nqai'ñii: ¿Negue' cá'maq ỹa'xato' dajo na' ñaqai 'avichiguiñi? ¿Nega'ỹo' cá'maq shi'co' ỹa'xat na'le? ¿Mesqaỹim sa'xat na'le, ỹim na'gaxala'? Chaqai qaica liỹa qota'olec ỹoqota'oga caỹim. Ỹoqota'oga caỹim qaica liỹa qota'olec huegaxanaxai chaqai ca'laqataxanaxai.

Hechos 28:20

Ca' chaqaida dá'maq 'em soỹaxane'ogalo qamiri, sahotaque ñauanto qamiri chaqai setaxaỹa'pegueto qamiri, ma' chaqaida dá'maq qanaquitaxac qom Israel laseripi, ca' chaqaida dá'maq 'em nagui qaycoñiretari'.

1 Timoteo 1:1

Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.