Jeremías 14:3 - La'qaatqa ñi qota'olec Qota'olec & Qota'olec Novita Na Qomyipi

³ Na nesallaxanqaipi ila' na la'aquipi quiyim ri'llivi; ca na'maxare quepegue' ana ni'ỹa, qam qaica ca li'llivioxot, co'chiichiguilo naua nehomal quena' rapil; qaỹachiguiñi chaqai 'xoic na layiloxo, ca' chi ỹapogui na lqahic.

Jeremías 14:3 Iomraidhean Croise

2 Samuel 15:30

Ca' so David queeto'ot na lahi aso quemaralec ladocai nananaxalate ana 'olivo; ca so'maxare eec, qam qaicaua caua lapelate', chaqai noỹenta'pegue', chaqai ỹapootalec na lqahic queda nqui'ic. Chaqai sá'ogue so liỹaatac qomyipi qai'neeta ỹapootalec na lqahic chaqai noỹenta'pegue'.

2 Samuel 19:4

Qam so nashi ñaqai queetalec ỹapootagui na lashic, ca' naualqategueñi 'neeta'guesa': —¡Absalón, ỹaalcolec! ¡Absalón, ỹaalcolec, ỹaalcolec!

1 Reyes 17:7

Qam co'na' 'xoic so na'xataripi, ca' so ñaachi 'im, ma' qaica ca ỹaxat quiyi 'laua.

2 Reyes 18:31

'neeto' na'xaỹaxañiỹa. Ma' ñi nashi quiyi Asiria ỹahotaque quiyim vii ca ra'maxahi quiñi'maxare, ca' nemanachiiguit ñi'maxare, qaiyi a'guii ma'le aca qadañicshii 'uva la chaqai ana higo chaqai ni'chiigui ca huaxaỹaq cacá'maq chi ri'ỹahi.

Ester 6:12

Ca co'na' ime qaỹouoxontegueri' so Mardoqueo, ca' pila'a ñi lasom ñi nashi lauo' lodegaxat. Ca' so Amán chaqa'ma' pilec queca la'a', rachicota chaqai ỹapootagui na lashic.

Jeremías 14:4

Na no'ueenaxaseripi qaỹachiguiñi chaqai ỹapogui na lqahic, ma' qaica ca ỹaxat chaqai na 'laua chalego na lashiviaxa.

Jeremías 15:18

¿Chi'negue ma' na nqui'ic se neme caỹim? ¿Chi'negue ma' na icoñiraxa qaican nataren, se nqo'chiguit ná'ogue na natarenaxanaxat? Qami' 'ñiisari' caỹim ca huaxaỹaq choxonataxanaxai 'ec quena' 'ue na qachilli'.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 20:11

Qam qami' ỹa'gaxala', viisau'e na ỹahi, 'ñiisari' ca qaican ishit nalauataxai, ná'maq yocantegueñi huaañi ma'le, qam se ishit yaqajñi; se ipaguelec dá'maq 'neesa'pegue, ca' 'ue da layilqo' ma'le, se neme quiyim hueetapigui lauel quiyim na qomyipi se lauela.

Joel 1:20

¡Vire'ta na iseripi neuec ỹaualqatacot qami', ma' mashic rashiviguilo naua ñaachi, chaqai na norec ỹavigaxat na 'uaqapi laqalachi!

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Amós 4:8

na qomyipi queetagui na na'aateripi, idaantaque na huaxaỹaq, qam se nalogoñi ná'maq huaxaỹaq lanataxat, ma' se nomat na laquip, ¡qam qamiri se rapilliua'! Ñi qara'gaxala' i'taxajñi da la'qaatec.

Zacarías 14:17

Chaqai no'm 'ue ca qomyipi quena 'laua mesqai quepegue' yi Jerusalén quiyim nqouagaxainot ñi nashi, ñí'maq qara'gaxala' sqaica lqalanec, ca' sqaica ma'le ca ỹaxat quiyi na'laua.