Jeremías 14:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ma' ỹim, ỹim na'gaxala' shinac quena netaxaỹaxaquiripi ná'maq ỹahotaque retaqa, quiichigui nqai'en da ỹeenaxat, quiyim se sela' chaqai 'naac quiyim qaica ca lauataq chaqai ca nqopaaxa quenajo 'laua, ỹim shinac na netaxaỹaxaquiripi ileu ma'le queca lauataq chaqai quena lqopaaxa.

Jeremías 14:15 Iomraidhean Croise

1 Reyes 22:25

Ca' so Micaías 'naaco' queso'maxare: —'Yiiñi'o' ma' chi ỹovi' ca na'xa'a quiyim nañoxochisegueñi quenaua 'imqa.

Jeremías 20:6

Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 27:15

Ñi qara'gaxala' i'taxajñi 'naac quiyim ñi'maxare se ila' na'maxare; na'maxare chi ỹa'xatejlec 'naac quiyim qaila' quiñi qara'gaxala'. Ca' chaqaida dá'maq 'em quiyim ñi qara'gaxala' iuagaxata'pe qamiri ma'le, ca' qamiri chaqai na netaxaỹaxaquiripi ná'maq ỹa'xatetac dajo caqamiri, ca' ileu.

Amós 7:17

Qam 'neetasa' dá'maq la'qaatec ñi qara'gaxala': Añi roua'e' icona ma'le quiyim nedequen, queugui ma'le na na'a' lodegaxat, ca' naua qachaalaxahi' chaqai naua qachaalli' qaỹalauate' ma'le, qaỹodoota'a na lecat; chaqai yaua na'lauachi' qanallichiguilo ma' qaneuagaxachiguilo; chaqai qami' qai'neeta rillivi' ma'le, ỹoqa'a ca 'laua vi'ralec, chaqai na Israel llaalqaipi qai'xat ma'le, ỹoqa'a ca 'laua qaỹaueguegue.

Miqueas 3:5

Na ỹalamaxareteripi ỹo'maac queso nayic queeta'gue, sauaxat na 'naac itaxaỹaxaquiripi, qam rayinaxantac, na'maxare 'naac quiyim qaicanqaida quená'maq ỹo'uet ca loq, ca' qui'ỹaxan, qam 'naac 'ue ca lo'maxaset ná'maq se qui'ỹaxan. Ca' ñi qara'gaxala' 'neetasa' da la'qaatec quená'maq 'naac letaxaỹaxaquiripi:

Deuteronomio 18:20

Qam ca netaxaỹaxaqui 'naac quiyim ỹa'xat ca ỹa'qaatec, qam ỹa'xat cá'maq sqai shinapega quiyim ỹa'xat, loqo'm ỹa'xat ca la'qaatec ca liỹa nashiilec, ca ca'maxare qaỹalauat.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.