Jeremías 14:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca na'le, ca 'naac caỹim ñi qara'gaxala': No'm 'naac dajo na netaxaỹaxaquiripi, ca na'majantac. Ỹim se sela', chaqai sqai shilen, chaqai sqaica ca shinapega. Dajo neuanaxanaxac sqai 'chiñi, rayinaxan da'maxare, chi lo'ueenatec quedá'maq chi lque'guenataxanaxac. Dajo ỹa'xatetac na netaxaỹaxaquiripi.

Jeremías 14:14 Iomraidhean Croise

Jeremías 20:6

Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 28:11

Ca chaqa'ma' 'ue da ỹa'xat, 'qaatac nqai'en sá'ogue so qomyipi: —Ca 'naac 'neetasa' da la'qaatec ñi qara'gaxala': Ca' chaqaida shine'tegue quenauajo dos ñaxari, ca' ñaqat quena lqosot quená'ogue na ỹoreta'oguit qomyipi so lauegaxanaxaqui ñi nashi Nabucodonosor quiyi Babilonia, ca' saqaguichigui. Ca' so Jeremías eec.

Jeremías 28:13

Quirepegue' ñi Hananías, ca 'ñirapega quiyim ỹim na'gaxala' shinac: Qaguichisajlec so nauegaxanaxaqui qo'paq, qam ỹim sa'maxatetañi caqami' na nauegaxanaxaqui fierro.

Jeremías 28:15

Ca na'le, ca' so Jeremías 'naac queso Hananías: —¡Ñaq na'xaỹaxañi', Hananías! Ñi qara'gaxala' se relachi', ca' qami' vi'saque quiyim na qomyipi huelec da sqai llic.

Jeremías 29:21

Ñi qara'gaxala' sqaica lqalanec, ñí'maq qota'olec queso Israel, 'naac quiñi Acab ñí'maq llaalec ñi Colaías, chaqai quiñi Sedequías ñí'maq llaalec ñi Maasías, yaua'maxare ỹa'xatesac na sqai llic ỹiqueseguelec ñi qara'gaxala', 'neetasa' da la'qaatec: Ỹim so'uet ma'le quiyim loxonqa ñi nashi Nabucodonosor quiyi Babilonia, ca' qamiri huañichigui ma' ñi'maxare ỹalauate'.

Jeremías 29:31

Lachita ca ra'qaachiqui' yá'ogue yi ncoñiitecseripi quiyim ỹim na'gaxala' shinapega: Mashic ñi Semaías na'gue da Nehelam ỹa'ue da la'qaatec, quiichigui nqai'en da ỹeenaxat, quiyim ỹim se sela', ca' ỹa'ue caqamiri da naquitaxaguii qaica ca 'negue,

Jeremías 37:19

¿Negue' cá'maq hueesa'gue nagui caua netaxaỹaxaqui' cauá'maq i'taxatesegueñi quen quiyim ñi nashi quiyi Babilonia sqai naga'alo qamiri chaqai na na'lauahi?

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Deuteronomio 18:20

Qam ca netaxaỹaxaqui 'naac quiyim ỹa'xat ca ỹa'qaatec, qam ỹa'xat cá'maq sqai shinapega quiyim ỹa'xat, loqo'm ỹa'xat ca la'qaatec ca liỹa nashiilec, ca ca'maxare qaỹalauat.

1 Timoteo 4:2

Chaqai na'xaỹaxantapega na qomyipi sqa ỹaataxalec chaqai 'maatqaic, chaqai quedá'maq la'deenataxanaxac tot qaica ca nauataque, 'eco' mashic qaỹavigaxat queca lecat pa'e.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.