Jeremías 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' ỹim shinac na'le: Qam qami' qara'gaxala'; na retaxaỹaxaqui'i'ipi shi'gue 'naac quiyim qaica ca lauataq chaqai ca nqopaaxa, chaqai quiyim qami' vite 'xoic ca no'daxa quenajo 'laua.

Jeremías 14:13 Iomraidhean Croise

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

Jeremías 20:6

Chaqai qami' Pasur, qare'xachi' ma'le queda Babilonia, riỹa'isac ná'ogue na qauochi'. Ca' chaqaida hua'gue, ca' rillivi' chaqai qarishiñiriñi, chaqai qai'neeta ná'ogue na nauochaxaua'e'ipi, ná'maq quena' taxahi', ca 'xachisapeguem na sqai llic.

Jeremías 37:19

¿Negue' cá'maq hueesa'gue nagui caua netaxaỹaxaqui' cauá'maq i'taxatesegueñi quen quiyim ñi nashi quiyi Babilonia sqai naga'alo qamiri chaqai na na'lauahi?

Jeremías 4:10

Ca na'le, ca' shinac: Qami' qara'gaxala', 'xoraiqolqa, ¡negue' cá'maq 'neeto' ma' chi'riñi na qomyipi quena Jerusalén! Chaxañi'sac na'le quiyim vite ca no'daxa, qam dá'maq taatalec quiyim qaichaqot na lqosot.

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.