Jeremías 14:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Jeremías 14:10 Iomraidhean Croise

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Salmos 95:10

Quecaua cuarenta ñaxari so'ootapega so qomyipi, chaqai shinac: Najo qomyipi chalego da llitaxanaxac; ¡se na'xaỹaxanalo naua ilaataxanaxaco!

Éxodo 32:34

Ca' qami' qui', viquita na qomyipi yí'maq shiquetapi'ñi. Ca' so ilaatec piguim le'ec ỹashaxantac qami' ma'le. Ca ma' noviro ca na'xa'a quiyim sa'ue ca nouaxanaxaset, ca ỹim sa'ue ma'le ca nouaxanaxaset cá'maq 'ue ca lasauaxaset.

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Oseas 11:7

Na ỹalamaxareteripi ipaqueteguelec quiyim noỹootec caỹim; ỹalamaxatashiguim da laualaxac, qam qaica ca ỹotauan.

Oseas 11:9

Mese ipaguigui nqaishin dá'maq 'neeta da ỹonogoxonaxac; tot liỹa ñopoxoỹaxajñi yi Efraín, ma' ỹim, ỹim qota'olec, mesqai ỹim qom. Ỹim ná'maq ỹim sco'teeta, ỹim sentañigui naua lavilliñi' qamiri, chaqai se ñanac quiyim 'ue ca ñopoxoỹaxajñi.

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Amós 5:22

Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Hebreos 8:12

Ca' sapalaxat ná'maq se no'uen ỹo'ueetetac na'maxare, chaqai tot so'leentapega ma'le na lasauaxaseteripi.

1 Samuel 15:2

Ca' da la'qaatec ñi qara'gaxala', ñí'maq qaica lqalanec, 'neetasa': Ỹim sa'ue da nouaxanaxaset na Amalec llaalqaipi, ma' 'ue da 'ne'tegue na'le na Israel ma' ỹanaqta'guit na'le queso llic na' chicqa'gue da Egipto.